Saray Salmo 80:8 - Maung A Balita Biblia

⁸ Impaway mod Egipto so sakey a wakal na ubas; pinataynan mo ray arum a bansa, insan mo intanem ed dalin da.

Maung a Balita Biblia

⁸ Impaway mod Egipto so sakey a wakal na ubas; pinataynan mo ray arum a bansa, insan mo intanem ed dalin da.

Saray Salmo 80:8 Iomraidhean Croise

Saray Salmo 31:17

Ontatawag ak ed sika, Katawan; ag mo pa iyaabuloy a napelag ak ed kababaingan. Saray maoges komun so napelag ed kababaingan; nakalkalnaan ira komun a nibaki ed panaayaman da ray inaatey.

Saray Salmo 44:2

say impamagit mod saray pagano, tan say impangisoblay mod saray totoon manayam ed dalin da; say impanusam ed saray totoon taga arum a bansa, tan say impamaaligwas mod saray dilin totoom.

Saray Salmo 60:3

Impanirap mon mapalalo iray totoom; mandongilngil kamin singa abuek.

Saray Salmo 78:55

Pinataynan to ray totoon manaayam diman nen mankukurang iray totoo to; inapag toy dalin ed saray tribu na Israel, tan inter tod saray totoo to iray panaayaman da.

Jeremias 12:10

Saray amayamay a manoley a taga arum a bansa et dineral da so kaubasan ko; ginagatinan da ray kaalogan ko; ginawa ran kabueran so marakerakep a dalin ko.

Jeremias 2:21

Intanem ta kan singa pinilin wakal na ubas, singa sankaabigan a bini. Balet nengneng mo no antoy nansumpalan mo! Nagmaliw kan aboluk tan andi-kakanaan a wakal na ubas.

Ezekiel 15:6

Natan saya so ibabaga na Katawan a Dios: “No panon a say wakal et naalad takel tan napoolan, ontan met so pangalak ed saray totoon manaayam ed Jerusalem,

Ezekiel 17:6

Tinmubo may tanaman tan nagmaliw ya abeba tan malambut a sengeg na ubas. Tinmagey ya amaarap ed samay agila iray sanga to, tan nampaaralem iray lamut to. Akobutan na sanga-sanga tan bolubolung iray wakal to.

Ezekiel 19:10

Say ina yo et singa sakey a sengeg na ubas a nitanem ed abay na kolus. Lapud daakan so danum malamlambut so bolung to, amayamay so bunga to.

Saray Gawgawa 7:45

Tinawir ya na saray anak da, tan inawit da nen kaiba ray Josue ya angipanguloy pangayaryan dad saray pasen ya impasamsam na Dios ed sikara. Ag diman naalis, anggad panaon nen David.

Josue 13:6

Sasakopen met ni so intiron dalin na saray Sidoneo a manaayam ira ed kapokdulan a pasen diad nanleetan na Kapalandeyan na Libano tan Misrefot-maim. Pataynanen ko ra yan totoo legan a mankukurang iray Israelita. Nepeg mon apagen ed saray Israelita so dalin onung na ingganggan kod sika.