Saray Salmo 8:2 - Maung A Balita Biblia

² tan ikakanta na saray ogogaw tan saray kapangyanak. Maligen ka tan ag ka nasisigensigen na amin a kalaban mo; sarasarag mon patondaen iray onsusumlang ed sika.

Maung a Balita Biblia

² tan ikakanta na saray ogogaw tan saray kapangyanak. Maligen ka tan ag ka nasisigensigen na amin a kalaban mo; sarasarag mon patondaen iray onsusumlang ed sika.

Saray Salmo 8:2 Iomraidhean Croise

Saray Salmo 148:13

Idayew dan amin komuy ngaran na Katawan. Matalonggaring nen anggan dinan so ngaran to; atagey nen say dalin tan tawen so kagalangan to.

Saray Salmo 4:4

Giwgiw kayon sitatakot tan tondaan yo lay mankasalanan; motektek yo yan maung no mandokdokul kayon mareen ed saray katri yo.

Saray Salmo 44:16

lapud pakarerengel kod panagbalaw tan panaglemlemew da ray kalaban ko tan saray mamobosul ed siak.

Saray Salmo 46:10

Kuanko, “Itonda yo lay panlalaban yo, tan birbir yon siak so Dios, sankatalonggaringan ed saray bansa, sankatalonggaringan ed intiron mundo.”

Saray Salmo 57:6

Saray kalaban ko pinatitan da ak na iket, a pangerel dad siak; mapalaloy kapapagaan ko. Angotkot iray abut ed dalanen ko, balet sikaran diliy naplag.

Exodo 11:7

Balet anggapoy anggan aso ya ondangul ed saray Israelita, odino anggan diad saray ayayep da. Diad satan naamtaan yo a siak a Katawan idomak so gawaen kod saray Egipsio ed saray Israelita.’”

Exodo 15:16

Takot tan kebyew so niwalad sikara. Nanengneng day biskeg mo, O Katawan, et mampotiy bosaleg dan mantanyareg, anggad makadalan iray totoom ya inagwat mod inkaaripen.

Isaias 40:31

Balet napasimbalo so biskeg na saray manmamatalek ed Katawan. Onalagey iran nampayak a singa agila; mambatik ira, et ag ira napunaw; manakar ira, et ag ira onkapoy.

Isaias 6:3

Mantatawagan ira: “Masanto, masanto, masanto! Masanto so Katawan a Makapanyarin-amin! Say sankamundoan napno na kagalangan to.”

Amos 5:9

Dederalen to ray makapanyari tan saray tirinsira ra.

Habacuc 2:20

Say Katawan et walad dalem na masanton Timplo to; mandeen komun ed arap to so balang sakey a too diad tapew na dalin.

Mateo 11:25

Inkuanen Jesus ed satan, “Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

Mateo 21:16

Tinepet dad kinen Jesus, “Narerengel moy ibabaga ra?” “Narerengel ko,” ebat to. “Ag yo ta ni abasad Masanton Sulat? ‘Imbangat mo ray ogogaw tan saray mansususo a mangiter na nagnap a dayew.’”

Lucas 10:21

Diad saman ya oras, si Jesus pinagayagay Ispiritu Santo. Inkuanen Jesus, “Misalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw. On, Ama, agawa ya ta sikatoy nilabay mo.

1 CORINTO 1:27

Balet pinili na Dios so ipapasen ya andi-kakanaan na sankamundoan, pian napabaingan to ray makabat a totoo, tan pinili to so ipapasen a makapoy na sankamundoan, pian napabaingan to ray mabiskeg.

1 Samuel 2:9

“Iyagel toy bilay da ray totoo ton matoor, balet naandipat ed kabilongetan iray totoon maoges; ag manalo so too lapud biskeg ton dili.