Saray Salmo 79:8 - Maung A Balita Biblia

⁸ Ag mo kami pa dudusaen lapud saray kasalanan da ray lalaki mi. Kasian mo kami pa natan; naandi lan amiy ilalo mi.

Maung a Balita Biblia

⁸ Ag mo kami pa dudusaen lapud saray kasalanan da ray lalaki mi. Kasian mo kami pa natan; naandi lan amiy ilalo mi.

Saray Salmo 79:8 Iomraidhean Croise

Genesis 15:16

Onlabas so apatiran kailalakan kasakbayan a makapawil ira diay kabyangay boleg mo. Pansiansiaen kon panayamen ira diay Amorreo ya anggad alablabas lay inkaoges da, insan ko ra dusaen tan pataynanen.”

1 Saray Arari 17:18

Inkuantod kinen Elias, “Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?”

Saray Salmo 106:43

Amimpiga-pigan inyagel na Katawan iray totoo to, balet nilabay day onsumpad sikato; kanyan lalon linmereg irad kasalanan.

Saray Salmo 116:6

Say Katawan iyaagel to ray pakaskasi; nen wala ak ed kaatapan, inlaban to ak.

Saray Salmo 130:3

No inlistam iray kasalanan mi, siopay makapaliis ed panusam?

Saray Salmo 142:6

Dengel mo pay ikekerew ko na tulong; ta linmereg ak ed kaermenan. Ilaban mo ak pad saray kalaban ko, ta mabiskeg iran tuloy nen siak.

Saray Salmo 21:3

Dinagom ya awit moy nidomadoma ran bindision tan kinoronaan mo na puron balituk.

Saray Salmo 25:7

Pirdonam pa ray kasalanan tan saray lingok nen wala ak nid kalangweran. Lapud ag mangoman a panangarom tan kaabigan mo, Katawan, nunot mo ak pa!

Exodo 32:34

Laka la, ta ipangulom iray totoo ya onla ed pasen ya imbagak a laen yo. Say anghil ko so mangiwanwan ed sikayo, balet onsabiy oras a dusaen ko ra man a totoo lapud kasalanan da.”

Isaias 64:9

kanyan, Katawan, ag mo pa kapalaloen so pasnuk mod sikami odino pagnayonen so paningil mod saray kasalanan mi. Sikami ray totoom, kasian mo kami pa.

Ezekiel 2:3

“Sika a toon ompatey, ibaki ta ka ed saray totood Israel. Linmaban irad siak tan sinumpa ra ak tan itutuloy day onlaban ed siak, a singa ginawa na saray lalaki ra.

Daniel 9:16

Nen saman inyaagel mo kami lapud pakayarim, kanyan ag ka pa la mamapasnuk ed Jerusalem. Siudad tan masanton pokdul mo so Jerusalem. Balbalawen na amin a totoo ed saray kaliber-liber a bansa so Jerusalem tan saray totoom, lapud saray kasalanan mi tan saray maoges a ginagawa da ray lalaki mi.

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Oseas 9:9

Mapalaloy kaogsan a gagawaen da; singa samay kaogsan a ginagawa ra nen wala rad Gabaa. Nanunotan na Dios so kasalanan da tan dusaen to ra lapud kaogsan da.

Deuteronomio 28:43

“Saray sangkailin manayam ed dalin yo et ombiskeg lan ombiskeg so pakayari ra, balet onkapoy lan onkapoy so pakayari yo.

Puyan 18:5

Ta saray kasalanan to totokdulen da lay tawen, tan ag nalingwanay Dios so kaogsan to.