Saray Salmo 79:6 - Maung A Balita Biblia

⁶ Pampasnukan mo pa ray bansan ag mangigagalang ed sika, saray totoon ag mampipikasid sika.

Maung a Balita Biblia

⁶ Pampasnukan mo pa ray bansan ag mangigagalang ed sika, saray totoon ag mampipikasid sika.

Saray Salmo 79:6 Iomraidhean Croise

Saray Salmo 14:4

Tetepeten na Katawan, “Sarayan totoon managgaway kaogsan, ag da amta? Pambibilay da ray tatakewen dad saray totook, tan ag ira mampipikasi ed siak.”

Saray Salmo 145:18

Asingger ed amin da ray ontatawag ed sikato, saray tua so itatawag dad sikato.

Saray Salmo 53:4

Tetepeten na Dios, “Sarayan totoon managgaway kaogsan, ag da amta? Pambibilayan day tatakewen dad saray totook, tan ag ira mampipikasi ed siak.”

Saray Salmo 69:24

Idapom ed sikaray pasnuk mo; ipaterak mo pad sikaray petang na olom.

Isaias 42:25

Lapud saya indapo tod sikatayoy pasnuk to tan impanirap to tayod bakal. Singa apoy ya amool ed intiron Israel so pasnuk to, balet ag tayo atalusan no antoy kabaliksan na nagagawa; ag tayon balut akaaral ed agawa.

Jeremias 10:25

Idapom pa so pasnuk mo ed saray totoon ag mangigagalang ed sika, tan diad saray totoon mangipopolisay ed sika. Pinapatey da ray totoom; sigput da kamin dinederal, tan dinederal day bansa mi.

Jeremias 25:29

Igapok ed dilin siudad ko so panderal. Abaloan da amon ag ira nadusa? Nadusa ra, ta ipadalan koy bakal ed amin a katoowan diad tapew na dalin. Siak, say Katawan, so nansalita.

Sofonias 3:8

“Alagar yo ak sirin,” kuay Katawan. “Alagar yoy agew ya akusaen ko ray bansa. Tinibokel ko lad kanunotan ko a tiponen iray bansa tan saray nanarian, pian ipaliknak ed sikara so biskeg na pasnuk ko. Natemek ed apoy na pasnuk ko so intiron mundo.

Juan 16:3

Gawaen da ra yad sikayo, ta ag da kabat so Ama odino say siak.

Juan 17:25

O Aman matonung! Ag ka kabat na sankamundoan, balet kabat ta ka, tan sarayan inter mod siak et amta ran imbaki mo ak.

Saray Gawgawa 17:23

ta diad pampapasiar kod siudad yo tan pannenengneng kod saray pasen a pampipikasian yo, akanengneng ak na sakey ya altar a nisulat so onya: ‘Para Dios ya ag Kabat.’ Satan ya igagalang yo, anggaman ya ag yo kabat, sikatoy ipulong kod sikayo natan.

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

1 CORINTO 1:2

Diad iglisia na Dios a walad Corinto, diad amin da ray tinawag na Dios a magmaliw a masanton totoo to, diad panamegley na pikakasakey ed Cristo Jesus, ontan met a diad saray amin a totood inerman a pasen, saray ontatawag ed ngaran na Katawan dan Jesu-Cristo a Katawan tayo met:

2 TESALONICA 1:8

Onsabin kaibay manliub ya apoy tan dusaen to ray ag makapikabat ed Dios tan saray ag ontoluk ed Maung a Balitan nipaakar ed Katawan tayon Jesus.