Saray Salmo 75:1 - Maung A Balita Biblia

¹ Misasalamat kamid sika, O Dios; misasalamat kamid sika! Ibabawag mi so ontan lan inkatalonggaring mo, tan sasalitaen mi ray makapakelaw a bengatlan ginagawam!

Maung a Balita Biblia

¹ Misasalamat kamid sika, O Dios; misasalamat kamid sika! Ibabawag mi so ontan lan inkatalonggaring mo, tan sasalitaen mi ray makapakelaw a bengatlan ginagawam!

Saray Salmo 75:1 Iomraidhean Croise

Saray Salmo 138:2

Ondadakmomo ak ed arap na masanton Timplom tan idadayew koy ngaran mo, lapud ag mangoman a panangarom tan katooran mo, ta impanengneng mon sankatageyan so ngaran mo tan saray ganggan mo.

Saray Salmo 145:18

Asingger ed amin da ray ontatawag ed sikato, saray tua so itatawag dad sikato.

Saray Salmo 44:1

O Dios, nadngel na saray dilin layag mi— imbagad sikami na saray lalaki mi, iray makapakelaw a ginagawam nen panaon da, diad saraman ya agew;

Saray Salmo 50:1

Mansasalitay Katawan, say Dios a Makapanyari; tatawagen toy intiron mundo, manlapud bokig ya anggad sagur.

Saray Salmo 57:1

Kasian mo ak pa, O Dios, kasian mo ak pa, ta ondarago ak sika pian arawi ak ed kaatapan. Diad silong da ray payak mo, niyaagel ak ya anggad ilabas na saray maksil a bagyo.

Saray Salmo 58:1

Sikayon manoley matonung so panagsintinsia yo? Maptek so panagsintinsia yod amin a katoowan?

Saray Salmo 76:1

Say Dios kabat dad Juda; galgalangen day ngaran to ed Israel.

Exodo 23:21

Dengel kayod sikato tan onur yo. Ag kayo onsusumlang ed sikato, ta ag to pirdonaen iray onsumlang ed sikato. Sikato so imbakik.

Jeremias 10:6

Katawan, anggapoy mipara ed sika: makapanyari ka, tan matalonggaring tan makapanyari so ngaran mo.

Deuteronomio 4:7

“Anggapoy arum a bansa, anggan anto lay pakapanyari to, ya asingsingger ed sikato so dios to no nakaukolan to, a singa kinaasingger ed sikato na Katawan a Dios tayo. Eebatan to itayo kapag onkerew tayoy tulong to.