Saray Salmo 74:21 - Maung A Balita Biblia

²¹ Ag mo pa iyaabuloy a nabaingan iray napapairap; iyabuloy mo pan idayew ka na sarayan mairap-bilay tan saray walad pankaukolan.

Maung a Balita Biblia

²¹ Ag mo pa iyaabuloy a nabaingan iray napapairap; iyabuloy mo pan idayew ka na sarayan mairap-bilay tan saray walad pankaukolan.

Saray Salmo 74:21 Iomraidhean Croise

Esdras 3:11

Nankakanta ra a pangidayew tan pisalamat dad Katawan. Inolit-olit dan kinanta yan parti na kanta: “Maung so Katawan tan say ag mangoman a panangaro tod Israel et andi-anggaan.” Inmeyag so balang sakey na anggaay nayarian to; indayew day Katawan lapud nigapo lan niletneg so pundasion na Timplo.

Saray Salmo 103:6

Diad pananintinsia na Katawan pipilaan to ray napapairap, tan iiter toy kanepegan da.

Saray Salmo 109:22

Mairap so bilay ko tan wala ak ed pankaukolan, asugat ya anggad dalem so pusok.

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Saray Salmo 35:10

Diad intiron pusok ibagak ed Katawan, “Anggapoy miparad sika, Iyaagel mo ray makapoy ed saray mabiskeg, saray mairap-bilay ed saray managpairap.”

Saray Salmo 9:18

Ag nalingwanan lawas iray mairap-bilay; ag naekal ed anggad angga so ilalo da ray walad kairapan.

Isaias 45:17

Balet ta inlaban na Katawan so Israel, tan mansiansiad ando lan ando so impanalo to; ag balut napelag ed kababaingan iray totoo to.’”

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”