Saray Salmo 73:26 - Maung A Balita Biblia

²⁶ Nayarin onkapoy so kanunotan tan laman ko, balet say Dios so biskeg ko; sikato labat so nakaukolan ko.

Maung a Balita Biblia

²⁶ Nayarin onkapoy so kanunotan tan laman ko, balet say Dios so biskeg ko; sikato labat so nakaukolan ko.

Saray Salmo 73:26 Iomraidhean Croise

Say Libro nen Job 13:15

Nakal lamlamang so ilalok, kanyan anggapoy wala ed siak anggan pateyen ak na Dios. Isangsang kon siansia so katonungan ko ed arap to.

Saray Salmo 119:57

Sika labat, Katawan, so pampipilalekan ko; isisipan kon onuren iray ganggan mo.

Saray Salmo 138:3

Inebatan mo ak nen tinmawag ak ed sika; pinabiskeg mo ak na pakayarim.

Saray Salmo 142:5

Katawan, onkekerew ak ed sika na tulong; sika, Katawan, so manangyagel ko; sika labat so nakaukolan kod sayan bilay.

Saray Salmo 18:2

Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Saray Salmo 27:14

Manmatalek kad Katawan. Mampabiskeg ka, pakpel moy linawam. On, manmatalek kad Katawan.

Saray Salmo 40:12

Aliber ak na amayamay a gunigon—diad karakel da, ag ko ra nabilang! Tinabunan ak na saray kasalanan ko, kanyan ag ak la makanengneng; dakel ira nen say buek na olok, et nakal so biskeg na linawak.

Saray Salmo 63:1

O Dios, sikay Dios ko, tan pampipirawatan ta ka. Sika so pampipilalekay intiron inkatook; say kamarerwak so napnapgaan ed sika, a singa naksawan, amagaan, tan kinmelang a dalin.

Saray Salmo 84:2

Labalabay kon tuloy so makaloob diman! Pampilpilalekan koy manayam ed Timplo na Katawan. Diad intiron pusok sililiket ak a mankankanta ed mabilay a Dios.

Saray Tagleey 3:24

Say Katawan labat so walad siak, kanyan diad sikato so kawalaay ilalok.

FILIPOS 1:21

Ta para siak si Cristo so bilay, kanyan maung ni so iter na patey.

2 Pedro 1:14

Amtak ya asingger ak lan ompatey onung na impaamtan malinew ed siak na Katawan tayon Jesu-Cristo.

Puyan 21:7

Siopamay manalo tawiren to ya: magmaliw ak a Dios to, tan sikatoy magmaliw ya anak ko.