Saray Salmo 73:1 - Maung A Balita Biblia

¹ Peteg a say Dios maung so ipapanengneng tod Israel, diad saray malinis so puso ra.

Maung a Balita Biblia

¹ Peteg a say Dios maung so ipapanengneng tod Israel, diad saray malinis so puso ra.

Saray Salmo 73:1 Iomraidhean Croise

1 Saray Awaran 15:17

Diad saray boleg a marunong a mankanta pinili ran mantogtog na saray gansang piangpiang si Heman a lakin anak nen Joel, say kanayon to a si Asaf a lakin anak nen Berekias, tan si Etan a lakin anak nen Cusaias a kabyangay boleg nen Merari. Saray manogtog na saray atagey a tuno na arpa, pinili da ray onggendan: Zacarias, Aziel, Semiramet, Jehiel, Uni, Eliab, Maasias tan Benaya. Saray manogtog na saray abeban tunon arpa, pinili da ray onggendan: Matatias, Elifelehu, Michias, Azazias, tan saray guardiay Timplo a di Obed-edom tan Jeiel.

1 Saray Awaran 16:37

Imbaga nen David ed kindi Asaf tan saray kapara ton Levita ya ituloy dan sikaray makaoley ed panangigalang a ginagawad pasen a kawalaay Kaban na Sipanan. Nepeg ya inagew-agew so panggawa rad saray kimey da.

1 Saray Awaran 16:7

Saman ya agew so onaan ya impanoro nen David ed kinen Asaf tan saray kapara ton Levita a mankanta ray pangidayew ed Katawan.

1 Saray Awaran 6:39

Si Asaf so pangulo na kumadwan grupoy kumakanta. Si Levi so sengeg na boleg nen Asaf ya anak Berekias ya anak nen Simea; si Simea

2 Saray Awaran 29:30

Si Ari Ezekias tan saray pangulo na bansa et imbaga rad saramay Levita a kantaen dad Katawan iray kanta a pangidayew ya insulat ira nen David tan si Asaf a propita. Kanyan kinanta ran malikeliket legan dan mantatalimukor tan mangigagalang ed Dios.

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

Saray Salmo 24:4

Saray totoon malinis so gawa ra tan say kanunotan da, ag ira mangigagalang ed saray diriyos, tan ag da isisipan so ag da nagawaan.

Saray Salmo 42:11

Akin et onya lay paneermen ko? Akin et mapalaloy kagugunigon ko? Say Dios so panilaloan ko, tan sikato lamet so idayew ko, say manangilaban ko tan Dios ko.

Saray Salmo 50:1

Mansasalitay Katawan, say Dios a Makapanyari; tatawagen toy intiron mundo, manlapud bokig ya anggad sagur.

Saray Salmo 51:10

O Dios, gawam pan malinis so pusok; itdan mo ak pay balo tan matoor ya ispiritu.

Saray Salmo 73:18

Andi-duaruwan iyakar mo rad andanglel iran pasen tan ipatumbam iran naderal.

Saray Salmo 83:1

O Dios, ag ka labat pa mareereen; ag ka pa mareereen, o anggapoy eseesel!

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Jeremias 4:14

Jerusalem, ekalan moy kaogsan so pusom, pian nagamuran moy kilalaban. Kapigan mangangga so pannununot moy kaogsan?

Mateo 5:8

“Maliket iray malinis so puso ra, ta napinengnengan day Dios!

Lucas 12:32

“Ag kayo natatakot, sikayon pigaran papastolan ko, ta maliket so Ama yon mangiter ed sikayo na Panarian.

Juan 1:47

Nen anengneng nen Jesus si Nataniel ya ondaragod sikato inkuanto, “Niay tuan Israelita ya ag manasaol na kapara ton too.”

Saray Taga Roma 4:16

No ontan sirin, say sipan niletneg ed pananisia, pian magmaliw a panangaroy Dios yan sipan tan andi-saew a nagamuran na amin a kabyangan na saray boleg nen Abraham aliwa labat a saray manangonur na Ganggan, no ag pati amin da ray mananisian singa si Abraham. Ta si Abraham so maispiritun ama tayon amin.

Tito 3:5

inlaban to itayo. Nilaban itayo, aliwan lapud saray ginagawa tayon kamaungan, no ag ingen lapud panangasi to, diad panamegley na panangoras a mangipanengneng a say Ispiritu Santo initdan to itayoy balon inkatoo tan balon bilay.

Santiago 4:8

Singger kid Dios, et onsingger ed sikayo. Orasan yoy lima yo, sikayon makasalanan! Linisan yoy puso yo, sikayon mansimpisimpitan!