Saray Salmo 71:21 - Maung A Balita Biblia

²¹ Pagmaliwen mo ak a lalon matalonggaring; ligliwaen mo ak lamet.

Maung a Balita Biblia

²¹ Pagmaliwen mo ak a lalon matalonggaring; ligliwaen mo ak lamet.

Saray Salmo 71:21 Iomraidhean Croise

2 Samuel 3:1

Abayag a panaon so impanbabakal na saray totoon akigampid pamilya nen Saul tan saray totoon akigampid kinen David. Diad ibibiskeg lan ibibiskeg nen David, onkakapoy lan onkakapoy iray kalaban to.

Saray Salmo 18:35

O Katawan, iyaagel tan ilalaban mo ak; lapud pananulong mo nagmaliw ak a matalonggaring, tan lapud pakayarim niarawi ak ed kaatapan.

Saray Salmo 23:4

Anggan sankabilongetay dadalanen ko, ag ak ontakot, ta wala kad abay ko. Say baston tan say pekpek mo iyaagel da ak.

Saray Salmo 32:10

Amayamay so panirapan na totoon maoges, balet saray manmamatalek ed Katawan iyaagel iray ag mangoman a panangaro to.

Saray Salmo 72:11

Ondakmomod sikato komun ya amin iray arari; manlingkur ed sikato ray amin a bansa.

Saray Salmo 86:17

Katawan, ipanengneng mo pad siak so pakapatnagay kaabigan mo; pian nabaingan iray mamobosul ed siak, diad pakanengneng dan niligliwa tan tinulongan mo ak.

Isaias 12:1

Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Isaias 49:13

Mankanta kayo, sikayon katawenan! Eyag kad liket, sikan mundo. Maksil a mankanta komun iray kapalandeyan! Ligliwaen na Katawan iray totoo to; kasian to ray totoon maniirap.

Isaias 49:6

Say Katawan inkuantod siak, “Walay babaleg a kimey a pagawak ed sika ya aripen ko, ag ko labat paipawil ed sika so inkatalonggaring na saray totood Israel ya akapaliis ed patey, no ag ingen gawaen ta ka met a sakey a silew ed saray bansa— pian nilaban iray amin a katoowan ed tapew na dalin.”

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

2 CORINTO 2:14

Balet salamat ed Dios, ta lawas to kamin pipilaen ed paraday pananalo nen Cristo, lapud pikakasakey mid sikato. Tan diad panamegley mi, ikakayat na Dios ed amin a pasen so pikakabat nipaakar ed Cristo, a singa ikakayat na balingit.

2 CORINTO 7:13

Sikato yay makasengeg no akin et aligliwa kami. Ag kami met labat aligliwa, no ag ingen apaliket kami ni lapud impamaliket yod kinen Tito.

2 CORINTO 7:6

Balet say Dios a manliligliwad saray nanaekalay ilalo, niligliwa to kami diad insabi nen Tito.

1 TESALONICA 3:9

Natan nayarian miy misalamat ed Dios lapud sikayo. Misalamat kami lapud amin a liket mid arap na Dios makasengeg ed sikayo.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”