Saray Salmo 71:16 - Maung A Balita Biblia

¹⁶ Idayew koy pakayarim, Katawan a Dios; ibawag koy inkatonung a kayaryan mon bukor.

Maung a Balita Biblia

¹⁶ Idayew koy pakayarim, Katawan a Dios; ibawag koy inkatonung a kayaryan mon bukor.

Saray Salmo 71:16 Iomraidhean Croise

Saray Salmo 106:2

Siopay makapangidalatdat na amin iray makapakelkelaw a ginagawa to? Siopay makapangidayew na nagnap ed sikato?

Saray Salmo 29:11

Pabibiskegen na Katawan iray totoo to, tan bibindisionan to ra na kareenan.

Saray Salmo 51:14

Iyagel mo pay bilay ko, O Dios a manangilaban ko, et maliket ak a mangibawag na inkatonung mo.

Saray Salmo 71:15

Ibawag koy inkatonung mo; tongtongen ko lawas so panangilaban mo, anggaman ya ag ko natalusan a sigput.

Saray Salmo 71:19

O Dios, sabien na inkatonung mo so katawenan. Matalonggaring iray ginagawam; Siopay miparad sika?

Saray Salmo 71:2

Lapud matonung ka, tulongan tan iyagel mo ak pa. Dengel mo ak tan ilaban mo ak pa!

Saray Salmo 71:24

Salitaen ko lawas ya inagew-agew so inkatonung mo, ta atalo tan naplag ed kababaingan iray nanggetman mamasakit ed siak.

Isaias 26:13

Katawan a Dios mi, inoleyan kami na saray arum a totoo, balet sikan bukor so Katawan mi.

Isaias 40:31

Balet napasimbalo so biskeg na saray manmamatalek ed Katawan. Onalagey iran nampayak a singa agila; mambatik ira, et ag ira napunaw; manakar ira, et ag ira onkapoy.

Isaias 63:7

Salitaen ko so ag mangoman a panangaro na Katawan; Idadayew ko lapud amin a ginagawa ton para sikatayo. Daakan so impamindision tod saray totood Israel lapud panangasi tan say ag mangoman a panangaro to.

Zacarias 10:12

Pabiskegen ko ray totook; igalang tan onuren da ak.” Say Katawan so nansalita.

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Saray Taga Roma 1:17

Ipapaamta na Maung a Balita a say pamirdonay Dios ed saray kasalanay katoowan et onggapo tan mansamput ed panamegley na pananisia. Onung na ibabagay Masanton Sulat, “Mambilay diad panamegley na pananisia so toon apirdona ray kasalanan to.”

Saray Taga Roma 10:3

Lapud ag da amta so panamaandi na Dios ed kasalanay too, sineetan day angiletneg na dili ran polaing, tan ag ira tinmoluk ed panamaandi na Dios ed kasalanay too.

Saray Taga Roma 3:21

Balet natan nipaamta ya aliwan diad panamegley na ganggan so panamaandi na Dios ed kasalanay too. Pinaneknekan ya na Ganggan tan saray propita.

TAGA-EFESO 3:16

Kekerewen kod sikato, onung ed ontan lan kagalangan to, ya itdan to kayo komuy pakayarin mamabiskeg ed maispiritun bilay yo diad panamegley na Ispiritu to.

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

Deuteronomio 33:25

Niagel komun na saray gansa tan balatyang a puirta iray baley to, Tan arawi ra lawas komun ed kaatapan.”

FILIPOS 3:9

tan nagnap so pikasakey kod sikato. Anggapo lay pilalek kon napatonung onung na panangonur ed Ganggan, ta apatonung ak la diad panamegley na pananisiad Cristo. Inter na Dios yad siak, salanti say pakapatonung a niletneg ed pananisia.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

2 TESALONICA 1:6

Gawaen na Dios so manepeg: kairapan so ibales tod saray mamapairap ed sikayo.

2 Timoteo 2:1

Sika, anak kon Timoteo, mampabiskeg kad panamegley na panangasin agamuran tayo diad pikakasakey ed Cristo Jesus.