Saray Salmo 7:17 - Maung A Balita Biblia

¹⁷ Pisasalamatan koy Katawan lapud inkatonung to; kakantaan ko na pangidayew so Katawan a Sankatageyan.

Maung a Balita Biblia

¹⁷ Pisasalamatan koy Katawan lapud inkatonung to; kakantaan ko na pangidayew so Katawan a Sankatageyan.

Saray Salmo 7:17 Iomraidhean Croise

2 Samuel 3:29

Pakadusaan ya komun nen Joab tan amin a kabyangay pamilya to. Diad kapag kailalakan, walan wala komuy lakin kabyangay pamilya to a mansakit na gonoriya, o kating, o say nayarian ton gawaen labat et say kimey na bii, o napatey ed bakal odino naerasan!”

1 Saray Arari 2:32

Dusaen na Katawan si Joab lapud saraman ya impamatey to ya anggapoy pikakabat nen amak a David. Pinatey nen Joab si Abner a pangulo na saray sondalo na Israel, tan si Amasa a pangulo na saray sondalo na Juda. Pinatey to ran anggapoy kasalanan, anta maung tan matonung ni ra nen say sikato.

Ester 9:25

Balet linmay Ester ed ari, tan angipaakseb so ari na saray nisulat a ganggan. Say agawa et si Haman so nansumpalan na samay maoges a ginetma tod saray Judio; sikato tan saray anak ton lalaki so nibitay ed panagbitayan.

Saray Salmo 111:3

Napnoy kagalangan tan pakayari iray amin a gagawaen to; ag manganggay inkatonung to.

Saray Salmo 140:10

Napelagan ira komun na saray ampetapetang a ngalab; napelag ira komud aralem ya abut tan ag la ra makaagwat.

Saray Salmo 145:7

Ibaga ray nipaakar ed ag nasabsabaan a kamaungan mo tan ikanta ray nipaakar ed panangasim.

Saray Salmo 35:28

Diad satan ibawag koy inkatonung mo, tan idayew ta ka lawas ya inagew-agew.

Saray Salmo 51:14

Iyagel mo pay bilay ko, O Dios a manangilaban ko, et maliket ak a mangibawag na inkatonung mo.

Saray Salmo 9:2

Lapud sika malikeliket ak a mankanta. Kantaan kay pangidayew, O Sankatageyan a Dios!

Saray Salmo 92:1

Maabig so misalamat ed sika, O Katawan, say pankanta a pamagalang ed sika, O Dios a Sankatageyan,

Saray Salmo 92:8

balet sika, Katawan, so anggad anggan sankatageyan.

Saray Salmo 98:2

Imbawag na Katawan so impanalo to; impaamta tod saray bansa so manangilaban a pakayari to.

Daniel 4:17

Sikato yay sintinsia na saray sipaparaan lawas a mambantay ya anghil, pian naamtaan na amin a katoowan ed inerman a pasen a say Sankatageyan a Dios so manoley ed saray nanarian na too tan nayarian to ran iter ed siopaman a labay ton pangitdan—anggan diad sankamugmoan lan too.’

Daniel 4:25

Napaarawi kad kawalaan da ray totoo tan manayam kad kawalaan da ray ayayep ed katakelan. Pitoy taon a mangan kay dika a singa baka, tan manogip ka ed pasen ya anggapoy tarung, a diman ka nalinaewan. Insan birbiren mo a walad silong na pakaoley na Sankatageyan a Dios iray nanarian na too tan nayarian to ran iter ed siopaman a labay ton pangitdan.

Daniel 4:34

“Kalabas na pitoy taon,” inkuan na ari, “tinmangay ak ed tawen, et pinmawil ed siak so kalakal ko. Inggalang ko, indayew ko, tan intandurok so Sankatageyan a Dios a mambibilay ed anggad angga. “Sikato so manoley ed anggad angga, tan mansiansia ed ando lan ando so panarian to.

Saray Gawgawa 7:48

“Anggaman ontan, say Sankatageyan a Dios ag manayam ed saray abung ya impaalagey na too. Onung na inkuay propita,

Saray Huis 9:24

Agawa ya, pian nabayaran day maoges a ginawa nen Abimelec tan saray totood Sikem ya anogsog ed sikato a mamatey ed saray pitomplon lalakin anak nen Gedeon.

Saray Huis 9:57

Impanirap met na Dios iray totood Sikem lapud kaogsan da, onung na impangisambad sikara nen Jotam a lakin anak nen Gedeon.