Saray Salmo 7:10 - Maung A Balita Biblia

¹⁰ Say Dios so manangyagel ko, ilalaban to ray matoluk ed sikato.

Maung a Balita Biblia

¹⁰ Say Dios so manangyagel ko, ilalaban to ray matoluk ed sikato.

Saray Salmo 7:10 Iomraidhean Croise

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

2 Saray Awaran 6:30

dengel mo pa ray pikakasi ra. Ditad ayaman mod tawen dengel mo pa ra tan pirdonam ira. Sika labat so makaamta ed kanunotan na balang sakey a too. Iter mo pad balang sakey so kanepegan ton awaten,

Say Libro nen Job 8:6

no talagan maptek tan malinis ka, andi-duaruwa a dagoen tan tulongan to ka; ipawil ton tumang mo iray kayaryan mo.

Saray Salmo 112:2

Magmaliw a makapanyari diad tapew na dalin iray anak na matonung a too; nabindisionan iray kabyangay boleg to.

Saray Salmo 125:4

Katawan, maung pay ipanengneng mod saray maung a totoo, diad saray mangoonur na saray ganggan mo.

Saray Salmo 3:3

Balet sika Katawan, sasalimbengan mo ak lawas, pian niarawi ak ed kaatapan; panataloen mo ak tan pabibiskegen moy linawak.

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Saray Salmo 89:18

Pinilim so manangyagel mi, O Katawan; sika a Masanton Dios na Israel initdan mo kamiy ari.

Probirbio 11:20

Kabosul na Katawan iray totoon walay maoges a kanunotan, balet inaro to ray manggagaway kaptekan.

Probirbio 2:21

Saray matonung a totoo—saray maptek so panagbilay da—et manayam irad sayan dalin tayo.

Probirbio 28:18

Mambilay kan maptek, et arawi kad kaatapan. No pikewet so panagbilay mo, bigla kan napelag.

Jeremias 11:20

Insan nampikasi ak, “Katawan a Makapanyarin-amin, sakey kan matonung a huis; susuboken moy kanunotan tan say liknaan da ray totoo. Iyabuloy mo pan nanengneng ta kan ombawid sarayan totoo, lapud sikay angimatalkan kod kipapasen ko.”

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”