Saray Salmo 69:8 - Maung A Balita Biblia

⁸ Singa ak sangkaili ed saray dilin agagik, singa ak toon nanlapud arum a bansa ed dilin pamilyak.

Maung a Balita Biblia

⁸ Singa ak sangkaili ed saray dilin agagik, singa ak toon nanlapud arum a bansa ed dilin pamilyak.

Saray Salmo 69:8 Iomraidhean Croise

Saray Salmo 31:11

Balbalawen ak na amin a kalaban ko; kabkabosul ak na saray kakaabay ko. Antakot ed siak iray makapikabat ed siak; no nanengneng da ak ed dalan, ibatikan da ak.

Saray Salmo 38:11

Ag ak la singgeran na saray kakaarok tan saray kakaabay ko, lapud saray girik; aarawian ak na anggan saray kabyangay pamilyak.

Saray Salmo 89:51

Katawan, papabaingan na saray kalaban mo so pinilim ya ari! Nileleglemew da ya anggan iner so laen to.

Saray Salmo 89:52

Andi-anggaan ya idayew to Katawan! Amen! Amen!

Isaias 50:6

Intaryak so beneg ko ed saray nansiplat ed siak. Ag ko ra binaat nen pinabaingan da ak, nen binagut da ray balbas ko tan nilulukdaan day lupak.

Isaias 53:3

Binabalaw tan impopolisay na totoo; intepel toy kairapan tan sulit. Anggapoy anggan onnengneng ed sikato— ag inasasikaso na totoo a singa anggapoy kabaliksan ton too.

Isaias 53:4

“Balet intepel toy kairapan a nepeg tayo komun a nanirapan, say sulit a nepeg tayo komun a nilikna. Ingen say abaloan tayo samay kairapan to et dusan inter na Dios ed sikato.

Jeremias 15:15

Insan inkuanko, “Katawan, natatalusan mo. Nunot mo ak pa tan tulongan mo ak. Sika pa lay ombales ed saray mamapairap ed siak. Ag mo la ra aanosan, pian ag da ak napatey. Nunot mo a sikay makasengeg na panaakok na kababaingan.

Mateo 26:56

Balet agawa yan amin pian nasumpal so ibabaga ray propita ed Masanton Sulat.” Nagsibatik ya amin iray disipulo tan tinaynan dan bukbukor si Jesus.

Juan 1:11

Linmad dilin bansa to, balet ag inawat na saray dilin totoo to.

Juan 7:5

(Ta anggan saray lalakin agagi nen Jesus et ag ira manisiad sikato.)

1 Samuel 17:28

Si Eliab a sankapangulowanan a kuya nen David, nadngel toy David a mitotongtong ed saray totoo. Asanukan ed kinen David tan kuanto, “Antoy gagawaen mo dia? Siopay manaasikasod saray pigaran karniro diad kalawakan? Mamaung ka! Linma ka dia labat a mambantay ed bakal!”