Saray Salmo 69:3 - Maung A Balita Biblia

³ Naksawan ak lan onkekerew na tulong, tan anagasang lay kolukolung ko. Onsasakit la ray matak diad panatalaran kod isabiy tulong mo.

Maung a Balita Biblia

³ Naksawan ak lan onkekerew na tulong, tan anagasang lay kolukolung ko. Onsasakit la ray matak diad panatalaran kod isabiy tulong mo.

Saray Salmo 69:3 Iomraidhean Croise

Say Libro nen Job 11:20

Balet saray maoges a totoo onnengneng irad kaliber-liber da, et anggapoy napaliisan da. Patey labat so iilaloan da.

Say Libro nen Job 16:16

Ambalbalanga lay lupak ed kakaakis, linmalarag tan asiregsireg la ray matak.

Saray Salmo 119:123

Naksawan la ray matak lapud panaalagar koy panangilaban na tulong mo, say kilalaban ya insipan mo.

Saray Salmo 119:82

Naksawan la ray matak ed panaalagar koy insipan mo, legan a tetepeten ko, “Kapigay panulong mod siak?”

Saray Salmo 22:15

Say kolukolung ko et amagaan a singa dabuk, tan ompepeket so dilak ed tawen-tawen ko. Tinaynan mo ak ya ompapatey ed dabuk.

Saray Salmo 22:2

Tatawagen ta ka no agew, Dios ko, balet ag mo ak eebatan; Tatawagen ta ka no labi, balet ag ak nainawaan.

Saray Salmo 25:21

Iyagel ak komun na kaabigan tan kaptekan ko, ta manmamatalek ak ed sika.

Saray Salmo 39:7

Anto sirin, Katawan, so nayarian kon panilaloan? sika so paniilaloan ko.

Saray Salmo 40:3

Imbangat to ak a mankantay balon kanta, sakey a kantan pangidayew ed Dios tayo. Ontakot iray amayamay a makanengneng ed saya tan manmatalek irad Katawan.

Saray Salmo 6:6

Makapkapoy ak lad paneermen ko; nilabi-labin nababasa so dokulan ko, tan naleleteb na luak so danganan ko lapud panaakis ko.

Saray Salmo 69:21

Nen narasan ak, initdan da ak na samal; nen napgaan ak, initdan da ak na toka.

Saray Salmo 88:7

Say pasnuk mo ambelat ya ondedetdet ed siak, tan napapairap ak a maung ed silong na daluyoy pasnuk mo.

Isaias 38:14

Melmelag tan makapkapoy lay bosis ko, Tan managlem ak a singa malapati. Diad kanenengneng kod tawen naksawan lay matak. Katawan, agwat mo ak pad sayan gunigon.

Saray Tagleey 2:11

Ambalbalanga lan maung iray matak lapud kakaakis ko; nagugunigon so kamarerwak. Makolkolaney ak lad ermen lapud inkaderal na saray totook. Napupunaw ed saray dalan na siudad iray ogogaw tan saray kapangyanak.

Juan 19:28

Kasumpal to ya, lapud amta nen Jesus ya ayari lay amin a bengatla, tan pian nasumpal so ibabagay Masanton Sulat, inkuanto, “Napgaan ak!”

Deuteronomio 28:32

Sankanengneng yon niiter ya ed saray sangkaili iray anak yon lalaki tan bibii. Inagew-agew ya onagasang so mata yod pannengneng yod ipawil na saray anak yo, balet ta ag la ra ompawil.

Saray Hebreo 5:7

Nen mambibilay ed tapew na dalin si Jesus, inakis tan ineyag toy impankerew tan impampikasi tod Dios a makapangilaban ed sikato ed patey. Lapud nagnap a mapaabeba, dinengel na Dios.