Saray Salmo 69:13 - Maung A Balita Biblia

¹³ Balet siak, mampikasi ak ed sika, O Katawan; ebatan mo ak pa, O Dios, ed labalabay mon panaon. Ebatan mo ak pa, lapud balbaleg a panangarom, lapud matoor kad sipan mo a mangilaban.

Maung a Balita Biblia

¹³ Balet siak, mampikasi ak ed sika, O Katawan; ebatan mo ak pa, O Dios, ed labalabay mon panaon. Ebatan mo ak pa, lapud balbaleg a panangarom, lapud matoor kad sipan mo a mangilaban.

Saray Salmo 69:13 Iomraidhean Croise

Genesis 24:27

Inkuanto, “Nadayew komuy Katawan a Dios na amok ya Abraham; tinoor toy sipan tod kinen amok. Say Katawan inwanwan to ak a linma ed saray dilin kakanayon nen amok.”

Ester 5:2

Nen anengneng na ari a manaalagey ed paway si Riyna Ester, aliketan tan inturo tod Riyna may balituk a sitro to. Inmasingger sirin si Riyna Ester tan diniwit toy ngoro na samay sitro.

Ester 5:6

Legan ya oniinom iray alak tinepet na ari ed kinen Ester. “Ibagam ed siak so labay mo, et iter ed sika. Iter kod sikay kerewen mo, anggan say kapalduay nanarian ko.”

Ester 7:2

a pidwa. Nen oniinom iray alak, tinepet na ari ed kinen Ester. “Natan, Riyna Ester, antoy labay mo? Ibagam ed siak et iter kod sikay anggan kapaldua na nanarian.”

Saray Salmo 32:6

Kanyan amin a matoor a totoom et nepeg day mampikasid sika no panaoy pankaukolan; no onsabiy baleg a delap na gunigon, ag nasabiy kawalaan da.

Saray Salmo 51:1

Kasian mo ak pa, O Dios, lapud ag mangoman a panangarom; ponasan mo pa ray kasalanan ko, lapud daakan a panangasim!

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Saray Salmo 98:3

Sinumpal toy insipan tod saray totood Israel, a katekep toy ag mangoman a panangaro tan say inkatoor tod sikara. Anengneng na amin a katoowan so impanalo na Dios tayo.

Isaias 49:8

Say Katawan kuantod saray totoo to, “No onsabiy panaon na pangilaban kod sikayo, ipatnag kod siyayoy maung a linawak tan ebatan koy ikekerew yoy tulong. Bantayan tan iyagel ta kayo tan diad panamegley yo misipanan ak ed amin a katoowan. Panayamen ta kayo lamet ed dalin yo a natan et anggapoy kabaliksan to.

Isaias 55:6

Pawil kayod Katawan tan mampikasi kayod sikato, natan ta asingger ni.

Saray Tagleey 3:63

Manlapud kabwasan ya anggad labi, luludlureyen da ak.

Mikias 7:20

Ipanengneng moy inkatoor tan say ag mangoman a panangarom ed saray totoom, saray kabyangay boleg di Abraham tan Jacob, onung na insipan mod saray lalaki mi, nen saman nin panaon.

Lucas 1:72

Imbaga to met a kasian to ray lalaki tayo, tan nunoten toy masanton impisipanan to.

Lucas 22:44

Ontan lay inkagunigon to, kanyan lalon masimoon so impampikasi to. Singa dala so linget ton tinmerter ed dalin.

2 CORINTO 6:2

Ta ibabaga to, “Dinengel ta ka ed manepeg a panaon, tinulongan ta ka ed agew na panangilaban.” Dengel kayo! Natan so manepeg ya oras a pangawat na panangasiy Dios! Natan so agew na kilalaban!

Saray Hebreo 5:7

Nen mambibilay ed tapew na dalin si Jesus, inakis tan ineyag toy impankerew tan impampikasi tod Dios a makapangilaban ed sikato ed patey. Lapud nagnap a mapaabeba, dinengel na Dios.

1 Pedro 2:23

Nen pinapabaingan da, ag to ra pinabaingan. Nen pinapairap da, ag to ra tinaktakot, no ag ingen nanmatalek ed Dios a maptek so panagsintinsia to.

1 Samuel 25:8

Tepet mo labat ed sikara et ibaga rad sika. Linma kami dia ed agew na pista; maung komuy pangawat mod sikami. Iter mo pa komun so nayarian mon iter ed sikami ya aripen mo, tan diad kinen David a kaarom.”