Saray Salmo 68:10 - Maung A Balita Biblia

¹⁰ nanayam irad may katoowan mo; lapud kaabigan mo, initdan mo ray mairap-bilay na nakaukolan da.

Maung a Balita Biblia

¹⁰ nanayam irad may katoowan mo; lapud kaabigan mo, initdan mo ray mairap-bilay na nakaukolan da.

Saray Salmo 68:10 Iomraidhean Croise

1 Saray Arari 8:36

dengel mo pa rad tawen. Pirdonam pa ray kasalanan na ari tan saray totoom ya Israelita. Ibangat mo pad sikaray matonung a pambilay da, tan ipelag moy oran ed sayan dalin mo ya impatawir mod saray totoom.

Saray Salmo 65:10

daakan ya oran so ipepelag mod saray binakan kaalogan tan luluaken mo ra; palelemeken moy dalin diad panamegley na mayamaya, tan papabalegan mo ray ontutubon tantanaman.

Saray Salmo 65:11

Agaylay karakel na ani, lapud kinamaung mo! Daakan, anggan iner so laen mo.

Saray Salmo 65:9

Ipapanengneng moy panangarom ed dalin diad pangipepelag moy oran; gagawaen mon mayaman tan mataba. Papanoen mo na danum iray kolus; patotoboen mo ray tantanaman ed dalin. Onya so panggagawam:

Saray Salmo 74:19

Ag mo pa papaolyan iray pangaskasiyan a totoom ed saray maruksan kalaban da; ag mo pa lilingwanan iray totoom a napapairap!

Saray Salmo 78:20

Tua a pinekpek to so baton-dampay, et tinmoroy mapmaples a danum; balet nayarian to itayo met kasin itdan na tinapay tan karni?”

Isaias 40:29

Pabibiskegen to ray makapoy tan saray naksawan.

Saray Bilang 16:3

Nantitipon ira ed arap di Moises tan Aaron tan kuandad sikara, “Nalalabas kayo la! Amin da ray totood Israel et kayaryan ira na Katawan, tan oolupen itayon amin na Katawan. Akin sirin, Moises, et ipapasen moy sikan dili ya atagey nen saray amin a katoowan?”

Mateo 11:5

saray bulag makakanengneng ira, saray lopuy makakaakar ira, saray akating onaabig ira, saray telek makakadngel ira, saray inaatey nabibilay ira, tan saray mairap-bilay nipupulong ed sikara so Maung a Balita.

Lucas 1:53

Pinesel to na maung a bengabengatla iray narasan, tan pinataynan ton kalima-lima iray mamayaman.

Deuteronomio 26:5

Insan diad arap na Katawan ibitla yo ra yan salita: ‘Say lakik et sakey ya akar-akar ya Arameo, ya inawit ton nanayam ed Egipto so pamilya to. Nen linma rad Egipto dagdaiset ira, balet nagmaliw iran baleg tan makapanyarin bansa.

1 Pedro 5:3

Ag yo aaripenen iray nipaliman asikasoen yo, no ag ingen magmaliw kayon oliran na poluk na saray karniroy Dios.

1 Samuel 2:8

Agwaten tod dabuk iray mairap-bilay, tan aonen tod kairapan iray pangaskasiyan. Gawaen to ran kakaiba na saray prinsipi, tan iyakar to rad saray pasen na kagalangan. Kayaryan na Katawan iray punda-sion na mundo; diad saraya so angiletnegan toy mundo.