Saray Salmo 66:16 - Maung A Balita Biblia

¹⁶ Gali dia tan dengel kayo, amin yon mangigagalang ed Dios, ta ibagak ed sikayoy ginawa ton para siak.

Maung a Balita Biblia

¹⁶ Gali dia tan dengel kayo, amin yon mangigagalang ed Dios, ta ibagak ed sikayoy ginawa ton para siak.

Saray Salmo 66:16 Iomraidhean Croise

Saray Salmo 34:11

Gali dia, anak, tan dengel yo ak, ta ibangat ta kayo a mangigalang ed Katawan.

Saray Salmo 34:2

Idayew koy Katawan lapud saray ginagawa to; ondengel tan manggayaga komun iray maniirap!

Saray Salmo 66:5

Gali dia ta nengneng yoy ginagaway Dios, saray makapakelaw a ginagawa tod saray totoo.

Saray Salmo 71:15

Ibawag koy inkatonung mo; tongtongen ko lawas so panangilaban mo, anggaman ya ag ko natalusan a sigput.

Saray Salmo 71:18

Natan ta matakken ak la tan ampoti lay buek ko, ag mo ak pa ikakaindan, O Dios! Ag mo ak pa tataynan leleg kon ibabawag ed amin a kailalakan ya onsabi so biskeg mo tan say pakayarim.

Saray Salmo 71:20

Initdan mo ak na saray amayamay a gunigon tan irirap, balet ipawil moy biskeg ko; ipaliis mo ak ed lobuk.

Saray Salmo 71:24

Salitaen ko lawas ya inagew-agew so inkatonung mo, ta atalo tan naplag ed kababaingan iray nanggetman mamasakit ed siak.

Jeremias 51:10

Say Katawan kuanto, “Iyeeyag na saray totook, ‘Impanengneng na Katawan a wala itayod katonungan. Onla tayon mangibagad saray totoo ed Jerusalem na ginawa na Katawan a Dios tayo.’”

Malakias 3:16

Insan nantotongtong iray totoon walay takot dad Katawan. Dinmengel so Katawan ed sikara, et nadngel toy imbabaga ra. Diad arap to nisulat so sakey a libro a nipaakar ed saray tinmakot ed Katawan tan angigagalang ed sikato.

1 Juan 1:3

No antoy anengneng tan nadngel mi sikatoy ibaga mi met ed sikayo, pian nakaiba mi kayo ed pikakasakey mid Ama tan diad Anak ton Jesu-Cristo.