Saray Salmo 64:9 - Maung A Balita Biblia

⁹ Ontakot iran amin; dalepdepen da ray ginagawa na Dios, tan salitaen da ray gawgawa to.

Maung a Balita Biblia

⁹ Ontakot iran amin; dalepdepen da ray ginagawa na Dios, tan salitaen da ray gawgawa to.

Saray Salmo 64:9 Iomraidhean Croise

Saray Salmo 119:20

Mapalaloy pampipilalek na pusok; labay kon naamtaan lawas iray sintinsiam.

Saray Salmo 140:10

Napelagan ira komun na saray ampetapetang a ngalab; napelag ira komud aralem ya abut tan ag la ra makaagwat.

Saray Salmo 40:3

Imbangat to ak a mankantay balon kanta, sakey a kantan pangidayew ed Dios tayo. Ontakot iray amayamay a makanengneng ed saya tan manmatalek irad Katawan.

Saray Salmo 53:5

Balet ontan lay kataktakot da; anggapo niy asali ran onyan takot; ta ibuyak na Dios iray pokepokel na saray kalaban da ray totoo to. Impolisay ira na Dios, kanyan sigput a taloen ira na Israel.

Saray Salmo 58:11

Ikuay katoowan, “Tuan natutumangan iray matonung; tuan walay Dios a manisintinsiad sankamundoan.”

Saray Salmo 59:13

diad pasnuk mo, deral mo pa ra; deral mo ra ya anggad ag da kaoput. Naamtaan ed satan na amin a katoowan a say Dios so manooley ed Israel, tan say panooley to et sasakopen toy intiron mundo!

Isaias 5:12

Diad saray pista yo wala ray arpa, pandirita, tan plauta tan alak. Balet ag yo natatalusan so gagawaen na Katawan.

Jeremias 50:28

Saray Israelitan priso a manaayam ed Babilonia et ombabatik irad Sion, tan ibabaga ra no panoy imbawi na Katawan a Dios tayo lapud samay ginawa na saray taga Babilonia ed Timplo to.)

Jeremias 51:10

Say Katawan kuanto, “Iyeeyag na saray totook, ‘Impanengneng na Katawan a wala itayod katonungan. Onla tayon mangibagad saray totoo ed Jerusalem na ginawa na Katawan a Dios tayo.’”

Ezekiel 14:23

naamtaan mod satan a walay maung a makasengeg na panggagawak ed antokaman.” Say Katawan a Dios so nansalita.

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Puyan 11:13

Diad saman a bekta, yinmegyeg na maksil. Aderal so kakaplon parti na siudad, tan piton libon totoo so inaatey lapud samay yegyeg. Tinmakot iray totoon atilak a mabilay, tan inggalang day Dios na tawen.