Saray Salmo 64:8 - Maung A Balita Biblia

⁸ Deralen to ra, lapud saraman a salita; ompeyeng ya amin iray makanengneng ed sikara.

Maung a Balita Biblia

⁸ Deralen to ra, lapud saraman a salita; ompeyeng ya amin iray makanengneng ed sikara.

Saray Salmo 64:8 Iomraidhean Croise

Say Libro nen Job 15:6

Ag la nakaukolan a sintinsiaan ta ka; saray dilin salitam so manintinsiad sika.

Saray Salmo 140:9

Ag mo pa panataloen iray kalaban ko; ipoktal mod sikaray panataktakot dad siak.

Saray Salmo 144:6

Pakirmat mo pay tawen tan buybuyak mo ray kalaban mo; panam iray kalaban mo tan pabatik mo ra.

Saray Salmo 22:7

Luludlureyen ak na amin da ray makanenengneng ed siak; dilat-dilatan tan mameyeng-peyeng ira.

Saray Salmo 31:11

Balbalawen ak na amin a kalaban ko; kabkabosul ak na saray kakaabay ko. Antakot ed siak iray makapikabat ed siak; no nanengneng da ak ed dalan, ibatikan da ak.

Saray Salmo 52:6

Nanengneng ya na saray matonung a totoo et ontakot ira; elekan da kad satan tan ikuanda,

Saray Salmo 59:12

Kasalanan so walad bibil da, tan maoges ya amin iray salita ra; naerel ira komun ed inkalastug da. Lapud manaayew tan mantitila ra,

Saray Salmo 9:3

No ompanengneng ka, ompoliktar iray kalaban ko; natumba tan ompatey ira.

Probirbio 12:13

Say toon maoges naeerel ed saray dilin salita to, balet say toon matonung makalolokpus ed gunigon.

Probirbio 18:7

No mansalita so makulang-kulang, dederalen toy sikaton dili, nanaerel ed patit na saray dilin salita to.

Jeremias 18:16

Ginawa ran makapataktakot yan dalin, a nabalaw ya anggad angga. Nataktakot ya amin iray ondalan, lapud saray nanengneng da; ipeyeng-peyeng day olo rad pankelaw da.

Jeremias 48:27

Moab, nanunotan mo no panoy impanluludlurey mod saray totood Israel? Impapasen mon kaolup ira na saray matakew, kanyan mameyeng-peyeng ka kapag nasalitam ira.

Nahum 3:7

Arawian ka na amin a makanengneng ed sika. Ikuanda, ‘Aderal-deral so Ninive. Siopay mangakasi ed sikato? Siopay malabay a manligliwad sikato?’”

Saray Bilang 16:34

Amin da ray totood Israel a wadman et batik ira nen nadngel day akis da. Inmeyag ira, “Batik kayo! Ompan akmunen itayo met na dalin!”

Mateo 21:41

Inmebat ira, “Andi-saew a papatey to ra man a totoon maoges, insan to ipaabang imay kaubasan tod saray arum a mangiter na apag to no nasabiy panagborbor.”

Lucas 19:22

Inkuanto may amo, ‘Maoges kan katulong! Say salitam a dili so panintinsiaan kod sika! Amtam manaya a mapeget ak. Amtam manaya ya aalaen koy ag ko kayaryan, tan aanien koy ag ko intanem.

Puyan 18:10

Manalagey irad arawi, ta antakot irad paniirap to. Ikuanda, “Makapataktakot! Adusa ka, sikan bantug tan makapanyarin siudad na Babilonia ed loob labat na sakey oras!”

Puyan 18:4

Nadngel kon nanlapud tawen so sakey nin bosis ya inkuanto, “Paway kayod sikato, totook, paway kayo! Ag kayo nepeg a mibiang ed saray kasalanan to; ag kayo nepeg a nadusan kaiba to!