Saray Salmo 60:6 - Maung A Balita Biblia

⁶ Manlapud santuario to inkuay Dios, “Kasumpal na panalok, apag-apagen koy Sikem, tan ibunog kod saray totook so Patar na Sucot.

Maung a Balita Biblia

⁶ Manlapud santuario to inkuay Dios, Kasumpal na panalok, apag-apagen koy Sikem, tan ibunog kod saray totook so Patar na Sucot.

Saray Salmo 60:6 Iomraidhean Croise

Genesis 12:6

tinmuloy si Abram ya anggad masanton kiew ed More, say masanton lugar na Sikem. (Diad saman a panaon, manaayam ni rad may Cananeo.)

2 Samuel 3:18

Niay pankanawnawa yo natan. Nanunotan yo angangko ya inkuay Katawan, ‘Ikanak so aripen kon David a mangyagel ed saray totook ya Israelita ed saray Filisteo tan saray arum a kalaban da!’”

Saray Salmo 119:162

Agaylay liket ko lapud saray sipan mo, a singa toon akalmoy baleg a kayamanan.

Saray Salmo 132:11

Sinambaan mod kinen David—sakey a sipan ya ag mo benegan: “Gawaen kon ari so sakey ed saray anak mon lalaki, tan onsalat ed sikan manari.

Saray Salmo 56:4

Manmamatalek ak ed Dios, kanyan ag ak antakot; idadayew ko lapud insipan to. Antoy nagawaan ed siak na too?

Saray Salmo 89:19

Diad sakey a payawar nen saman, imbagam ed saray matoor a managlingkur mo, “Tinulongan koy sakey a bantug a sondalo; inter koy trono ed pinilik ed saray totoo.

Saray Salmo 89:35

“Aminsan labat tan nasput la so impansipan ko diad masanton ngaran ko; ag kon balut tilaay David.

Jeremias 23:9

Nalmay so pusok, tan manggiwgiw ak. Lapud Katawan, lapud saray matonung a salita to, singa ak toon abuek, sakey a toon mapalaloy nainom ton alak.

Amos 4:2

Diad inkatonung na Katawan a Dios insipan to, “Onsabi ray agew a gayugoyen da kayon amin a singa siran atagaan.

Josue 1:6

Pabiskeg moy linawam tan manmatalek ka, ta sika so pangulo da ra yan totoo diad iloob dad dalin ya insipan kod saray lalaki ra.

Josue 13:27

Diad Patar na Jordan sakop na dalin da so Bet-haram, Bet-nimra, Sucot, tan Safon, say akeraan ed nanarian nen Ari Sehon na Hesbon. Say ketegan dad sagur et say Ilog na Jordan ya anggad baybay na Dayat na Galilea.

Josue 17:7

Say dalin nen Manases et onggapod Aser ya anggad Micmetat a bokig na Sikem. Ontuloy ed abalaten so ketegan tan nasakop to ray totood En-tapua.

Josue 20:7

Kanyan diad sagur na Jordan imbiig day Kedes na Galilea, diad kapokdulan a dalin na Neftali; Sikem, diad kapokdulan a dalin na Efraim; tan Hebron, diad kapokdulan a dalin na Juda.

Josue 24:1

Tinipon nen Josue ed Sikem iray amin a totood tribu na Israel. Tinawag to ray mamatakken, saray pangulo, saray huis, tan saray opisial na Israel, tan pinmarontal irad arap na Dios.

Josue 24:32

Saray pokel nen Jose ya inalad Egipto na saray totood Israel et nipompon ed Sikem, sakey a parti na dalin a sinaliw nen Jacob ed saray lalakin anak nen Hamor ya ama nen Sikem; sinaliw to na sanlasus a kuartan pilak. Sayan dalin et tinawir na saray kabyangay boleg nen Jose.