Saray Salmo 59:5 - Maung A Balita Biblia

⁵ Liing ka pa, Katawan a Dios a Makapanyarin-amin, ta dago mo ak a tulongan; sikan dili so onnengneng, O Dios na Israel! Bangon ka pa, ta dusam ya amin iray bansa; ag mo pa kakasian iray traidor!

Maung a Balita Biblia

⁵ Liing ka pa, Katawan a Dios a Makapanyarin-amin, ta dago mo ak a tulongan; sikan dili so onnengneng, O Dios na Israel! Bangon ka pa, ta dusam ya amin iray bansa; ag mo pa kakasian iray traidor!

Saray Salmo 59:5 Iomraidhean Croise

Genesis 33:20

Nanggawad may sakey ya altar tan nginaranan to para El, say Dios na Israel.

Saray Salmo 54:3

Nitan la ray malastug a totoon ondogpad siak; labay ak a pateyen na saray maruksan totoo— totoon ag da ikabkabilangay Dios.

Saray Salmo 55:15

Biglan ompatey komun iray kalaban ko; onla ra komun a mabilay ed pasen a panaayaman da ray inaatey! Say kaogsan walad kaabungan tan kapusoan da.

Saray Salmo 7:7

kanyan pantitipon mo pa ray katoowan ed kaliber-liber mo, tan manlapud tagey oleyan mo ra.

Saray Salmo 80:4

Kapigan, O Katawan a Dios a Makapanyarin-amin, so pangangga na pasnuk mod pikakasi da ray totoom?

Saray Salmo 84:8

Dengel mo pay pikakasik, O Katawan a Dios a Makapanyarin-amin; talineng ka pa, O Dios nen Jacob!

Saray Salmo 9:15

Saray ag manisiad Dios napepelag irad abut a kinotkotan da; naeerel irad patit ya inlira da.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Exodo 3:15

Ibagam ed saray Israelita a siak a Katawan, say Dios na saray lalaki ra, say Dios nen Abraham, Isaac, tan Jacob, so angibakid sika ed sikara. Sikato yay ngaran kod anggad angga; sikato yan ngaran so tawagan na amin a kailalakan.

Isaias 1:10

Jerusalem, saray manoley mo tan saray totoom et singa ra saray manoley tan saray totoo ed Sodoma tan Gomorra. Dengel ka ed ibabagad sika na Katawan. Talineng moy ibabangat ed sika na Dios tayo.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira abageyen o kasian na Dios a Manamalsa ra.

Jeremias 18:23

Balet, Katawan, amtam so pankokomplut dan pamatey ed siak. Ag mo pa pipirdonaen so kaogsan da; ag mo poponasen so kasalanan da. Ipatombam ira diad katalo ra; dusam ira legan a mamapasnuk ka.”

Daniel 6:7

Sikami ran mangikukurang na oley ed impiriom—saray makaoley, saray gobirnador, saray sumisimbawa, tan saray arum nin opisyal—et nampapaknaan mi a say Kagalang ya Ari et mangipaakseb komun na ganggan tan nepeg a mapeget so pamasumpal ed satan a ganggan. Iganggan mo a diad loob na talomploy agew anggapoy siopaman a naabuloyan a mikerew na antokaman a bengatla ed dinanman a dios odino siopaman a too likud labat ed Kagalang ya Ari. Siopamay onsumlang ed sayan ganggan et nepeg ya ibuntok ed maawang ya abut a kawalaan da ray amayamay a lion.

Amos 9:7

Say Katawan kuanto, “Totood Israel, nununoten ta kayo a singa pannununot kod saray taga Sudan. Impaway kod Creta iray Filisteo tan diad Kir iray Siriano, a singa impangipaway kod sikayo ed Egipto.

Saray Taga Roma 9:6

Ag ko ibabagan anggapoy kabaliksay sipan na Dios; ta aliwan amin a totood baley na Israel et sikaray totoon pinili na Dios.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.