Saray Salmo 59:3 - Maung A Balita Biblia

³ Nengneng mo! Tatalaranan da ak a pateyen; mantitipon ya onlaban ed siak iray maruksan totoo. Aliwan lapud kasalanan o kaogsan a ginawak,

Maung a Balita Biblia

³ Nengneng mo! Tatalaranan da ak a pateyen; mantitipon ya onlaban ed siak iray maruksan totoo. Aliwan lapud kasalanan o kaogsan a ginawak,

Saray Salmo 59:3 Iomraidhean Croise

Saray Salmo 140:2

Mannununot ira lawas na kaogsan tan manangigapo ra lawas na kolkol.

Saray Salmo 2:2

Saray arari ra milalaban ira, saray manoley da mankokomplut ira sumpad Katawan tan say pinili ton ari.

Saray Salmo 38:12

Saray malabay a mamatey ed siak et papatitan da ak; saray malabay a mamasakit ed siak et tataktakoten da ak a pateyen; ag ira ontotondan mankokomplut sumpad siak.

Saray Salmo 56:6

Mantitipon ira ed saray pasen a masolinek tan sisiimen day amin a gagawaen ko, diad panatalaran dan mamatey ed siak.

Saray Salmo 69:4

Saray mamobosul ed siak ya anggapoy makasengeg et amayamay ira nen saray buek na olok. Saray kabosul ko et mantitila ra sumpad siak; mabiskeg ira tan labay da ak a pateyen. Pinasoot dan ipawil ko ray bengatlan ag ko tinakew.

Probirbio 12:6

Makapatey iray salita na totoon maoges, balet makapangyagel iray salita na totoon matonung.

Probirbio 24:15

Ag mo aaligen iray totoon maoges a mannununot na pantakew dad toon matonung odino panamsam dad abung to.

Mikias 7:2

Anggapo lay nakdaan ya anggan sakey a matonung a too ed bansa, anggapo lay toon matoor ed Dios. Balang sakey a too et manaalagar na pankanawnawa ton mamatey ed kapara ton too. Balang sakey et labay ton erelen so siopaman a kadalaan to.

Juan 15:25

Balet nakaukolan yan nagawa, pian nasumpal so nisulat ed Ganggan da, ‘Binosul da ak ya anggapoy makasengeg.’

Saray Gawgawa 23:21

Balet ag mo ra panisisiaan, ta masoluk ya apataplon lalakiy kaiba ran manaalagar a manabat ed sikato. Sinambaan da ya ag ira mangan o oninom ya anggad ag da napatey. Akaparaan la ra natan. Aalagaren da labat so iyesel mo.”

1 Samuel 19:1

Imbaga nen Saul ed kinen anak ton Jonatan tan saray amin ya opisyal to a getma ton pateyen si David. Balet inararo nen Jonatan si David,

1 Samuel 24:11

Nengneng mo, ama, nengneng mo yay sankabembenan kon parti na saloy na kawes mo! Apatey ta ka la komun, balet saya labat lay ginerger ko. Diam nanengneng ya anggapoy kanunutan kon onlaban ed sika o pasakitan ka. Aanapen mo ak a pateyen anggaman ya anggapoy ginawak a maoges ed sika.

1 Samuel 24:17

insan to inkuan ed kinen David, “Maptek ka nen say siak. Maung so ipapatnag mod siak, balet maoges so gagawaen kod sika!

1 Samuel 26:18

Intuloy ton inkuan, “Akin et oosilan mo ak ni ya aripen mo? Anto tay ginawak a? Antoy ginawak a kasalanan?