Saray Salmo 51:4 - Maung A Balita Biblia

⁴ Sika labat, anggapo lay arum, so nankasalananan ko, tan ginagawak iray ipapasen mon maoges. Kanyan matonung so panisintinsiam ed siak.

Maung a Balita Biblia

⁴ Sika labat, anggapo lay arum, so nankasalananan ko, tan ginagawak iray ipapasen mon maoges. Kanyan matonung so panisintinsiam ed siak.

Saray Salmo 51:4 Iomraidhean Croise

Genesis 20:6

Inmebat so Dios diad panamegley na kogip, “On, amtak a malinis so konsinsiam ed impamaawit mo, kanyan ag ko inyabuloy a diwiten mo, pian ag ka mankasalanan ed siak.

Genesis 38:7

Maoges so kagagawa nen Er, kanyan nampasnuk so Katawan tan pinatey to.

Genesis 39:9

Nampara lay pakaoley mi ed sayan abung tan anggapoy ag to inter ed siak, likud ed sika. Ag ko nayarian a gawaen itan a kabandayan, ta mankasalanan ak ed Dios.”

Genesis 9:6

Siopamay mamatey na too pateyen met na kapara ton too, ta apalsan kaolibay na Dios so too.

2 Saray Arari 17:17

Insaklang dan bagat a popoolan ed saray paganon diriyos iray anak dan lalaki tan bibii; angipanonan da ray manangipanon ed saray ispiritu na inatey tan saray managparles, tan sigput dan ginawa ray maoges ed arap na Katawan, kanyan impanpasnuk da.

2 Saray Arari 21:6

Insaklang ton bagat a popoolan so lakin anak to. Nambubuyon tan nampaparles tan nampapanon ed saray panagpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

Saray Salmo 50:4

Tatatawagen toy tawen tan say dalin a mantasi ed panintinsia tod saray totoo to.

Saray Salmo 50:6

Ibabawag da ray katawenan a matonung so Dios tan sikaton dili so huis!

Isaias 43:25

Anggaman ontan, siak so Dios a mamipirdonad saray kasalanan mo, et onyay gagawaen ko lapud inka-Dios ko. Ag ta ka singilen ed saray kasalanan mo.

Levitico 5:19

Sakey yan bagat a pambayar ed kasalanan a ginawa to sumpad Katawan.

Lucas 15:21

‘Ama,’ kuanen anak, ‘nankasalanan ak ed Dios tan diad sikayo. Ag ak la manepeg a tawagen yon anak yo.’

Lucas 7:29

Dinengel na amin ya ombaley si Jesus, pati saray sumisingil na buis. Sikaray amirbir a matonung so Dios nen nampabinyag irad kinen Juan.

Saray Gawgawa 17:31

Ta wala lay inggana ton agew a panintinsia tod sankamundoan. Matonung so panintinsia to, diad panamegley na sakey a toon pinili to. Pinaneknekan to yad amin a katoowan nen pinaoli tod bilay yan too.”

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Saray Taga Roma 3:4

Andi! Nepeg a matoor ed katwaan so Dios anggaman a matilan amin iray katoowan, ta onung na ibabagay Masanton Sulat, “Saray salitam so mangipatnag a maptek ka; tan manalo ka no sikay naakusa.”

Santiago 2:11

Ta say angibaga, “Ag ka mikakaloguran,” imbaga to met, “Ag ka mamapatey.” Anggan ag ka mikaloguran balet et amatey ka, mananumlang ka met lamlamang ed ganggan.

Santiago 2:9

Balet no walay nilabi ed pangipasen yod totoo mankasalanan kayo tan, onung ed Ganggan, nepeg yoy nadusa.

Puyan 16:5

Nadngel kon inkuay anghil ya inkargadod samay danum, “Sikay Masanto, a wala natan tan wala nen saman! Matonung ira yan sintinsiam.

Puyan 19:11

Anengneng kod satay tawen ya alokasan, tan walay kabayon ampoti. Say akakabayo tatawagey Matoor tan Tua; matonung so panintinsia tan pibabakal to.