Saray Salmo 51:3 - Maung A Balita Biblia

³ Bibirbiren ko ray maoges a ginagawak; lawas walad kanunotan ko ray kasalanan ko.

Maung a Balita Biblia

³ Bibirbiren ko ray maoges a ginagawak; lawas walad kanunotan ko ray kasalanan ko.

Saray Salmo 51:3 Iomraidhean Croise

Say Libro nen Job 33:27

Ibaga tod arap na saray totoo, ‘Nankasalanan ak. Maoges iray ginagawak, balet pinirdona ak na Dios.

Saray Salmo 32:5

Insan impatwak iray kasalanan kod sika; ag ko inyamut iray maoges a ginagawak. Ginetmak ya ipatwak irad sika, et pinirdonam ya amin iray kasalanan ko.

Saray Salmo 38:18

Ipapatwak iray kasalanan ko; paneermenan ko ra.

Saray Salmo 40:12

Aliber ak na amayamay a gunigon—diad karakel da, ag ko ra nabilang! Tinabunan ak na saray kasalanan ko, kanyan ag ak la makanengneng; dakel ira nen say buek na olok, et nakal so biskeg na linawak.

Saray Salmo 41:5

Saray kalaban ko makapaingungot iray sasalitaen da nipaakar ed siak. Labay da ak lan ompatey tan nalingwanan.

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

Isaias 43:25

Anggaman ontan, siak so Dios a mamipirdonad saray kasalanan mo, et onyay gagawaen ko lapud inka-Dios ko. Ag ta ka singilen ed saray kasalanan mo.

Isaias 59:12

“Katawan, amayamay iray kaogsan a ginagawa mi sumpad sika. Aakusaen kami na saray kasalanan mi. Malinew so pakaamta mid saray kasalanan mi.

Jeremias 3:25

Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.”