Saray Salmo 51:12 - Maung A Balita Biblia

¹² Ipawil mo pad siak so gayagay panangilaban mo, tan gawam pan mabolus so linawak ya ontoluk ed sika.

Maung a Balita Biblia

¹² Ipawil mo pad siak so gayagay panangilaban mo, tan gawam pan mabolus so linawak ya ontoluk ed sika.

Saray Salmo 51:12 Iomraidhean Croise

Saray Salmo 119:133

Onung na insipan mo, ag mo pa iyaabuloy a natumba ak; ag mo pa iyaabuloy a naoleyan ak na maoges.

Saray Salmo 13:5

Balet manmamatalek ak ed ag mangoman a panangarom; manliket ak, ta ilaban mo ak.

Saray Salmo 17:5

Nankukurang ak lawas ed dalan mo, tan ag kon balut sinisianan.

Saray Salmo 19:13

Iyarawi mo ak pa met ed saray ginagalan kasalanan; ag mo pa iyaabuloy ya oleyan da ak. Diad ontan magmaliw ak ya anggapoy pakatetelan, tan akaliktar ak lad kaogsay kasalanan.

Saray Salmo 21:1

Katawan, maliket so ari lapud pinabiskeg mo; magayaga lapud impanalom.

Saray Salmo 24:4

Saray totoon malinis so gawa ra tan say kanunotan da, ag ira mangigagalang ed saray diriyos, tan ag da isisipan so ag da nagawaan.

Saray Salmo 35:9

Kanyan manggayaga ak lapud Katawan; manliket ak lapud inlaban to ak.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 49:13

Mankanta kayo, sikayon katawenan! Eyag kad liket, sikan mundo. Maksil a mankanta komun iray kapalandeyan! Ligliwaen na Katawan iray totoo to; kasian to ray totoon maniirap.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Jeremias 10:23

Katawan, amtak ya anggapoy siopaman a toon walad lima toy pansumpalan to; anggapoy toon nabembenan toy dilin bilay to.

Lucas 1:47

tan manliket so ispirituk lapud Dios a Manangilaban ko,

Saray Taga Roma 14:4

Siopa kan manintinsiad aripey arum a too? Say katawan to labat so makapangibaga no sikato kasiy makana o andi. Magmaliw a makana, ta nayarian na Katawan a gawaen ya.

Saray Taga Roma 8:15

Ta say Ispiritu ya inter na Dios ed sikayo et ag to kayo gawaen ya aripen tan pagmaliwen a matakot, no ag ingen pagmaliwen to kayon anak na Dios tan tulongan to itayon ontawag ed Dios na “Ama! Ama mi!”

2 CORINTO 3:17

Say Katawan ya asalita dia et say Ispiritu; no iner so kawalaay Ispiritu na Katawan, dimay kawalaan na kawayangan.

1 Pedro 1:5

Lapud mananisia kayo, sasalimbengan kayo na pakayariy Dios legan yon aalagden so kilalaban ya akaparaan lan nipaamta ed kaonuray panaon.

Judas 1:24

Diad sikato a makaasikasod sikayo pian ag kayo napelag tan makapangyarap ed sikayo ya anggapoy pakabalawan ed sikayo, tan walay baleg a liket diad mapagalang a kawalaan to—