Saray Salmo 5:12 - Maung A Balita Biblia

¹² Bibindisionan mo ray mangoonur ed sika, Katawan; say panangarom, singa samper a mangyaagel ed sikara.

Maung a Balita Biblia

¹² Bibindisionan mo ray mangoonur ed sika, Katawan; say panangarom, singa samper a mangyaagel ed sikara.

Saray Salmo 5:12 Iomraidhean Croise

Saray Salmo 112:1

Idayew yoy Katawan! Maliket so toon mangigagalang ed Katawan, tan makaliliket a mangoonur ed saray ganggan to.

Saray Salmo 115:13

Bindisionan ton amin iray manangigalang ed sikato, atagey man o abeba so kipapasen da.

Saray Salmo 118:15

Dengel yoy maliket iran eyag na impanalo diad katuldaan da ray totooy Dios: “Say mabiskeg a pakayariy Katawan so nanggawad saya!

Saray Salmo 119:132

Lingaw mo ak pa tan kasian mo ak, a singa gagawaen mod saray mangaarod sika.

Saray Salmo 29:11

Pabibiskegen na Katawan iray totoo to, tan bibindisionan to ra na kareenan.

Saray Salmo 3:3

Balet sika Katawan, sasalimbengan mo ak lawas, pian niarawi ak ed kaatapan; panataloen mo ak tan pabibiskegen moy linawak.

Saray Salmo 3:8

Say kilalaban manlalapud Katawan— bindisionan to komun iray totoo to.

Saray Salmo 32:10

Amayamay so panirapan na totoon maoges, balet saray manmamatalek ed Katawan iyaagel iray ag mangoman a panangaro to.

Saray Salmo 32:7

Sikay pasen a panaamutan ko; sikay mangipaliis ed siak ed gunigon. Maksil ya ikantak so panangilaban mo, ta iyaagel mo ak.

Saray Salmo 68:4

Kantaan yoy Dios, kantaan yo na panangidayew so ngaran to; iparaan yoy dalanen na manloglogan ed saray lorem. Yahweh so ngaran to—manliket kayod arap to!

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.