Saray Salmo 46:8 - Maung A Balita Biblia

⁸ Gali dia, ta nengneng yoy ginagaway Katawan. Nengneng yo ray makapakelaw a ginagawa to diad tapew na dalin.

Maung a Balita Biblia

⁸ Gali dia, ta nengneng yoy ginagaway Katawan. Nengneng yo ray makapakelaw a ginagawa to diad tapew na dalin.

Saray Salmo 46:8 Iomraidhean Croise

Saray Salmo 146:5

Maliket so toon tutulongan na Dios nen Jacob, tan maniilalo ed Katawan a Dios to,

Saray Salmo 59:10

Inaro ak na Dios ko tan dagoen to ak; ipanengneng tod siak so katalo na saray kalaban ko.

Saray Salmo 66:5

Gali dia ta nengneng yoy ginagaway Dios, saray makapakelaw a ginagawa tod saray totoo.

Exodo 10:7

Saray opisyal na ari kuandad sikato, “Kapigay pangangga na panggunigon na sayan too ed sikatayo? Abuloyan mo la ray Israelitan lalaki ya ontaynan, pian nigalang day Katawan a Dios da. Ag mo ta nanenengneng ya aderal lay Egipto?”

Exodo 12:30

Diad saman a labi say ari, saray opisyal to, tan amin nin arum ya Egipsio et abangon ira. Walay agawan baleg ya akisan ed intiron Egipto, lapud anggapoy abung ya anggapoy inatey to.

Isaias 24:1

Say Katawan deralen toy dalin tan taynan ton begtebegtew. Yesyesen toy tapew na dalin tan ikaykayat to ray totoo to.

Isaias 61:4

Ipaalagey da lamet iray siudad ya abayag la ran aderal-deral.

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Isaias 8:10

Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.

Saray Bilang 14:9

Ag kayo onsusumlang ed Katawan tan ag kayo ontatakot ed saray totoon manaayam diman. Mainomay tayo ran dakepen. Say Katawan kaolup to itayo tan tinalo to ray diriyos ya angyagel ed sikara; kanyan ag kayo natatakot.”

Saray Bilang 23:23

Anggapoy panamalikdo odino panagsalamangka diad pananulong na maoges ya ispiritu A makasumpa ed bansan Israel. Natan saray totoo ikuanda nipaakar ed Israel. ‘Nengneng yo no antoy ginawa na Dios!’

Deuteronomio 20:1

“No ompaway kayon mibakal ed saray kalaban yo et nanengneng yo ray karwahi tan saray kabayo tan saray sondalon amayamay ni ra nen say sikayo, ag yo ra tatakotan. Say Katawan a Dios yo ya angipaway ed sikayo ed Egipto et kaolup yo.

Josue 11:20

Say Katawan so amaawet na kapusoan da pian ag ira onsener a mibakal ed saray Israelita, kanyan sigput iran naderal tan napatey ya andi-panangasi. Sikato ya so ingganggan na Katawan ed kinen Moises.