Saray Salmo 46:2 - Maung A Balita Biblia

² Kanyan ag itayo sirin ontakot, anggan nayegyeg so dalin, tan natumbad dayat iray kapalandeyan;

Maung a Balita Biblia

² Kanyan ag itayo sirin ontakot, anggan nayegyeg so dalin, tan natumbad dayat iray kapalandeyan;

Saray Salmo 46:2 Iomraidhean Croise

2 Samuel 22:3

Say Dios ko so manangyagel ko, tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan. Sikatoy manangilaban ko; iyaagel to ak ed antokaman a maoges ya onsabid siak.

Saray Salmo 142:6

Dengel mo pay ikekerew ko na tulong; ta linmereg ak ed kaermenan. Ilaban mo ak pad saray kalaban ko, ta mabiskeg iran tuloy nen siak.

Saray Salmo 18:7

Insan ginmiwgiw tan yinmegyeg so dalin; ginmalaw tan ayegyeg iray pundasion na kapalandeyan tan amasnuk so Dios.

Saray Salmo 23:4

Anggan sankabilongetay dadalanen ko, ag ak ontakot, ta wala kad abay ko. Say baston tan say pekpek mo iyaagel da ak.

Saray Salmo 27:3

Anggan liktuben ak na olup na saray sondalo, ag ak ontakot; anggan dogpaan ak na saray kalaban ko, manmatalek ak nin siansia ed Dios.

Saray Salmo 28:7

Say Katawan so biskeg tan manangyagel ko, imamatalek kod sikato so bilay ko. Tutulongan to ak tan pagagayagaen to ak; idayew ko diad panamegley na saray maliket a kanta.

Saray Salmo 37:39

Say Katawan ilalaban to ray totoon matonung tan iyaagel to ra no panaoy gunigon.

Saray Salmo 59:17

Idayew ta ka, sikan manangyagel ko. Say Dios so salimbengan ko, say Dios a mangaarod siak.

Saray Salmo 62:8

Sikayon totook, manmatalek kayod Dios diad amin a panaon. Ibaga yod sikatoy amin a gunigon yo, ta sikatoy salimbeng tayo.

Saray Salmo 62:9

Singa labat ingas iray totoo; anggapoy kana da ray totoon walad abeba odino atagey a kipapasen. Pantitipon mo ran simbangen et anggapoy belat da; anlemew ni ra nen say ingas.

Saray Salmo 82:5

“Anggapoy amta yo! Ag ki makatalus! Sigput so inkaoges yo, tan naandi lay inkatonung diad tapew na dalin.

Saray Salmo 91:2

nayarian ton ibagad Katawan, “Sikay salimbeng tan manangyagel ko! Sikay Dios ko, sika so panmamatalekan ko.”

Jeremias 14:8

Sika labat so ilalo na Israel, sika so mangilalaban ed sikami ed kaderalan. Akin et singa ka sangkaili ed dalin mi, singa biahiron sanlabi labat so pipundo to?

Nahum 1:7

Say Katawan et maung; iyaagel tod panaon na gunigon iray totoo to; aasikasoen to ray onsisingger ed sikato.

Mateo 21:21

Inmebat si Jesus, “Tandaan yo ya! No manisia kayo tan anggapoy duaruwa yo, nayarian yon gawaen so ginawak ed sayan igos. Aliwan satan labat, nayarian yo nin ibagad sayan palandey, ‘Alis kad tan, tabuy kad dayat,’ et nagaway imbaga yo.

Lucas 21:33

Naandipat so tawen tan dalin, balet ag balut naandipat iray salitak.”

Saray Hebreo 13:6

Kanyan manmatalek tayon mangikuan, “Say Katawan so mananulong ko, ag ak ontakot! Antoy nagawaan ed siak na too?”