Saray Salmo 44:2 - Maung A Balita Biblia

² say impamagit mod saray pagano, tan say impangisoblay mod saray totoon manayam ed dalin da; say impanusam ed saray totoon taga arum a bansa, tan say impamaaligwas mod saray dilin totoom.

Maung a Balita Biblia

² say impamagit mod saray pagano, tan say impangisoblay mod saray totoon manayam ed dalin da; say impanusam ed saray totoon taga arum a bansa, tan say impamaaligwas mod saray dilin totoom.

Saray Salmo 44:2 Iomraidhean Croise

2 Samuel 23:12

balet ag inmalis ed alog si Samma, inyagel to, tan pinapatey to ray Filisteo. Diad saman ya agew, balbaleg so impanalo na Katawan.

2 Samuel 7:10

Amili ak na sakey a pasen a para saray totook ya Israel tan impanayam ko rad man ya ag la ra nasigensigen. Nanlapu lad inloob dad sayan dalin, dinodogpaan ira na maruksan totoo, balet ag la ya nagawad sikara. Isipan kon iyagel ta kad saray kalaban mo, tan parakelen ko ray kabyangay boleg mo.

Saray Salmo 105:44

Inter tod sikaray dalin na saray taga arum a bansa tan impakayaryan tod sikara so kaalogan da,

Saray Salmo 78:55

Pinataynan to ray totoon manaayam diman nen mankukurang iray totoo to; inapag toy dalin ed saray tribu na Israel, tan inter tod saray totoo to iray panaayaman da.

Exodo 10:2

Ontan met ginawak ira yan milagro, pian nayarian yon salitaen ed saray anak yo tan saray apo yo so impamaabebak ed saray Egipsio nen nanggagawa ak na saray milagro. Naamtaan yo a siak so Katawan.”

Exodo 15:17

O Katawan, inalam ira tan intanem mo rad palandey mo, say pasen a pinilim a panayaman mo, say Timplom a sikan dili so amaalagey.

Exodo 15:19

Nanakar ed amagan dalin iray Israelita nen ombabaliw irad dayat. Balet nen ombabaliw iray kabayo na saray Egipsio, saray karwahi ra tan saray kutsiro ra, pinapawil na Katawan so danum, tan tinatabunan to ra.

Exodo 23:28

Gawaen kon mangamanga ray kalaban yo; pagiten ko ray Heveo, saray Cananeo, tan saray Heteo legan na pankukurang yo.

Exodo 34:11

Onur yo ray ganggan ya iter ko natan ed sikayo. Pagiten ko ray Amorreo, saray Cananeo, saray Heteo, saray Perezeo, saray Heveo, tan saray Jebuseo legan na pankukurang yo.

Isaias 51:9

Liing ka pa, Katawan, ta tulongan mo kami! Ikanam pa so pakayarim ta ilaban mo kami; ikanam pa a singa ginawam nen saman. Sika so nantetegteg ed Rahab a dragon ed dayat.

Jeremias 32:23

Balet nen akakar irad sayan dalin tan kinayaryan da, ag da inonur iray ganggan mo odino nambilay onung ed bangat mo; ag da sinumpal so antokaman a pagagawam ed sikara. Sikato yay makasengeg no akin et inyakar mod sikara yan amin a deral.

Saray Bilang 13:32

Kanyan inwakawak dad saray Israelita so tilatilan balita a nipaakar ed samay dalin a ninengneng da. Inkuanda, “Saman a dalin a nila mi et ag napangalaan na magenap a pantagano na anggan saray totoon manaayam diman. Atatagey iray totoon anengneng mid man,

Deuteronomio 32:7

“Nunot yo so apalabas, say abaybayag lan panaon nen saman; tepet yod kaamaan yo ta ibaga rad sikayo so agawa, tepet yod saray mamasiken ta ibaga rad sikayo so agawad apalabas.

Deuteronomio 4:38

Legan na impankukurang yo, pinapataynan to ray bansan baleg tan makapanyari nen say sikayo pian makaloob kayo tan niiter tod sikayo so dalin da, say dalin a kayaryan yo ni ya anggad natan.

Deuteronomio 7:1

“Say Katawan a Dios yo et iyakar to kayod dalin a panayaman yo, tan amayamay a totoo so pataynanen to. Legan yon looban so dalin, pataynanen to ray totoo na pitoran bansa a baleg tan makapanyari nen say sikayo: saray Heteo, saray Gergeseo, saray Amorreo, saray Cananeo, saray Perezeo, saray Hebeo, tan saray Jebuseo.

Josue 10:11

Nen saray Amorreo et ibabatikan da ra may Israelitan sondalo, impepelag na Katawan ed sikara iray ankakabaleg ya oran a kristal ya anggad Azeka. Dakel niy apatey na oran a kristal nen say pinapatey da ray Israelita.

Josue 10:42

Tinalo nen Josue ira yan amin ya arari tan saray nanarian da diad aminpinsan ya inliber ton nandodogpa, lapud kaiba na Israel ya akibakal so Katawan a Dios to.

Josue 11:23

Adakep nen Josue so intiron dalin, onung na ingganggan na Katawan ed kinen Moises. Inter nen Josue so dalin ed saray Israelita; inaapag tod balang tribu. Tinmonda ray bakal kanyan nainawaan iray totood Israel.

Josue 21:43

Kanyan say Katawan inter tod Israel so intiron dalin a sinambaan ton iter ed saray lalaki ra. Nen akayaryan da lay dalin, nanayam irad man.

Josue 24:12

Nen ondodogpa kayo ginewgew ko ra pian napabatik ko ray duaran arari na saray Amorreo. Anggapoy pibabalid saya na saray ispada tan saray pana yo.

Josue 3:10

Legan kayon mankukurang, andi-saew a pataynanen to ray Cananeo, saray Heteo, saray Heveteo, saray Perezeo, saray Gergeseo, saray Amorreo, tan saray Jebuseo. Naamtaan yo a say mabilay a Dios et kaolup yo

Saray Huis 6:13

Inkuanen Gedeon ed sikato, “No walad sikamiy Katawan, akin sirin et onyay agawad sikami? Onung na tinongtong na saray atateng mi, say Katawan impaway to rad Egipto. Akin et anggapo lay singa onman a gawaen natan na Katawan? Inkaindan to kami la tan pinaolyan to kamin ooleyan na saray Madianita.”