Saray Salmo 43:4 - Maung A Balita Biblia

⁴ Onla ak ed satan ed altar mo, O Dios; sikay panlalapwan na liket ko. Togtogen koy arpak tan kantaan ta kay panangidayew, Dios, O Dios ko!

Maung a Balita Biblia

⁴ Onla ak ed satan ed altar mo, O Dios; sikay panlalapwan na liket ko. Togtogen koy arpak tan kantaan ta kay panangidayew, Dios, O Dios ko!

Saray Salmo 43:4 Iomraidhean Croise

2 Samuel 6:5

Si David tan amin ya Israelita et nansasayaw tan nankakanta ra ed anggaay nayarian da a pangigalang ed Katawan. Nantotogtog iray arpa, saltirio, tambul, tamborin, tan piangpiang.

Saray Salmo 26:6

Katawan, oorasan ko ray limak a pangipanengneng kon anggapoy kasalanan ko, tan liliberen koy altar mo diad pangigagalang kod sika.

Saray Salmo 33:2

Misalamat kayod Katawan diad panamegley na pantogtog yod saray lira, kantaan yo a binansagan na saray arpan samploray deles.

Saray Salmo 42:6

Diad bansa a nibantakan ko onsasakit so pusok, kanyan sikatoy nanununotan ko. Tinabunan to ak na saray daluyon na kaermenan; pinadalanan to ak na delap na gewgew, a singa manungol a danum a napepelag ed Jordan manlapud saray Palandey na Hermon tan Mizar.

Saray Salmo 57:8

Liing ka, O kamarerwak! Liing kayo, sikayon arpak tan lirak! Liingen ko so agew!

Saray Salmo 57:9

Pisalamatan ta ka diad arap da ray katoowan, O Katawan! Idayew ta kad arap da ray bansa!

Saray Salmo 63:2

Nanengneng ta ka komun ed santuario; ipanengneng mo pad siak so ontan lan pakayarim tan kagalangan mo.

Saray Salmo 81:2

Igapo yoy mankanta tan paknul yo ray pandirita; manogtog kayoy marakep ed saray arpa tan saray lira.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Saray Taga Roma 5:11

Aliwan saya labat, makaliliket itayo nid Dios diad panamegley nen Jesu-Cristo a Katawan tayo, ta lapud sikato nagmaliw ti lan kakaaroy Dios.

Puyan 5:8

Nen nala to la, dinmakmomod arap na Kordiro ira may apatiran mabilay a pinalsa tan saramay duamplo tan apat a mamatakken. Sankabembenan na balang sakey ed sikara so arpa tan balituk iran yaung a napnoy insinso, a sikara yay pikakasi na saray totoo na Dios.