Saray Salmo 42:9 - Maung A Balita Biblia

⁹ Ibabagak ed Dios a manangyagel ko, “Akin et nilingwanan mo ak? Akin et siansiay paniirap ko lapud inkaruksa da ray kalaban ko?”

Maung a Balita Biblia

⁹ Ibabagak ed Dios a manangyagel ko, Akin et nilingwanan mo ak? Akin et siansiay paniirap ko lapud inkaruksa da ray kalaban ko?

Saray Salmo 42:9 Iomraidhean Croise

Saray Salmo 13:1

Katawan, anggad angga so pangililingwan mod siak? Anggad kapigan ni so pangisasanib moy lupam ed siak?

Saray Salmo 18:2

Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Saray Salmo 28:1

Ontatawag ak ed sika, Katawan, a manangyagel ko. Dengel mo ak pa! No ag mo ak ebatan, magmaliw ak a sakey ed saray totoon onlalasur ed pasen a panaayaman da ray inaatey.

Saray Salmo 38:6

Abokut ak la tan naknaksawan ak; maermen ak lawas ya inagew-agew.

Saray Salmo 43:2

Sikay manangyagel ko; akin et inkaindan mo ak? Akin et siansiay paniirap ko lapud inkaruksa da ray kalaban ko?

Saray Salmo 55:3

Napapagaan ak lapud panagtaktakot da ray kalaban ko, tan lapud panagpairap da ray totoon maoges. Iitdan da ak na gunigon; ampetang so olo rad siak tan kabosul da ak.

Saray Salmo 62:2

Sikato labat so mangyaagel tan mangilalaban ed siak; sikatoy manangyagel ko, et ag ak balut natalo.

Saray Salmo 77:9

Alingwanan la na Dios kasi so mangasi? Ag la kasi mangasi lapud pasnuk to?”

Saray Salmo 78:35

Anunotan dan say Dios so manangyagel da, tan say Makapanyarin-amin so dinmagon tinmulong ed sikara.

Saray Salmo 88:9

makapoy lay pakanengneng ko lapud kakairapan ko. Katawan, inagew-agew a tatawagan ta ka tan yaatagey ko ray limak a mampipikasid sika.

Saray Salmo 92:3

ya olupen na togtog na nandeles a kagawaan na musika, tan say laineng na arpa.

Ecclesiastes 4:1

Insan ak ninmengneng lamet ed amin a panaglames a nagagawad sayan mundo. Manakakis iray napapairap, tan anggapod sikaray tinmulong. Anggapod sikaray tinmulong, lapud walad diking da so pakayari da ray mamapairap ed sikara.

Isaias 40:27

Totood Israel, akin et manririklamo kayo ya ibabaga yon ag amta na Katawan iray gunigon yo odino anggapoy walad sikato no nalalames kayo?

Isaias 49:15

Kanyan say Katawan oneebat, “Nalingwanan ta na ina so mansususon anak to tan ag to aroen so ogaw ya inyanak to? Anggan nalingwanan na ina so anak to, siak ag ta kayon balut nalingwanan.