Saray Salmo 42:4 - Maung A Balita Biblia

⁴ Onsasakit so pusok kapag nanununotan ko ray agawa nen saman, nen kaibak iray karaklan a linmad abung na Dios, tan inwanwan ko rad panaakar da; malikeliket iran mankankanta tan maneeyag na dayew ed Dios.

Maung a Balita Biblia

⁴ Onsasakit so pusok kapag nanununotan ko ray agawa nen saman, nen kaibak iray karaklan a linmad abung na Dios, tan inwanwan ko rad panaakar da; malikeliket iran mankankanta tan maneeyag na dayew ed Dios.

Saray Salmo 42:4 Iomraidhean Croise

2 Saray Arari 18:30

Ag yo aabuloyan a tangoyuren to kayon manmatalek ed Katawan. Ag yo komun nununoten ya iyagel kayo na Katawan tan ag to abuloyan a dakepen na saray sondalo na Asiria so siudad yo.

2 Saray Arari 18:32

anggad panayamen kayo na impirador ed sakey a bansa a singa met lamlamang say bansa yo a wala ray kaubasan a mangiter na ubas tan wala ray trigo a gawaen a tinapay; sakey a dalin a wala ray kiew na oliba, larak na oliba, tan say dilo. No onuren yo ray ganggan to ag kayo ompatey, no ag ta mambilay kayo. Ag yo dedengeley Ezekias no ibaga tod sikayon iyagel kayoy Katawan, ta papalikdoen to kayo labat.

2 Saray Awaran 7:10

tan nen ontombuk ya agew, say kumaduamplo tan talon agew na kumapiton bulan, pinasempet la nen Solomon iray totoo. Malikeliket ira lapud amin a bindision ya inter na Katawan ed saray totoo ton Israelita, si David, tan si Solomon.

Say Libro nen Job 29:2

“Komun ta napapawil ira may agew a linmabas, nen bambantayan ak na Dios!

Saray Salmo 100:4

Loob kayod saray puirta na Timplo a misasalamat kayo; laka yod saray patio to a mangidadayew kayo. Misalamat tan mangidayew kayod sikato.

Saray Salmo 102:10

lapud pasnuk tan petang na olom. Inalam ak, insan mo ak imbantak.

Saray Salmo 115:2

Akin et tetepeten da ray bansa ed sikami, “Kawalaay Dios yo?”

Saray Salmo 122:1

Makaliliket ak nen inkuandad siak, “Onla itayod abung na Katawan.”

Saray Salmo 122:8

Lapud saray kakaarok tan saray kakanayon ko, kuankod Jerusalem, “Manari komuy kareenan ed sika!”

Saray Salmo 55:14

Masamsamit so impantongtong ta, tan naniba ta ya angigalang ed Dios diad Timplo.

Saray Salmo 62:8

Sikayon totook, manmatalek kayod Dios diad amin a panaon. Ibaga yod sikatoy amin a gunigon yo, ta sikatoy salimbeng tayo.

Saray Salmo 79:10

Akin et tetepeten ed sikami na saray bansa, “Kawalaay Dios yo?” Ipanengneng mo pad sikami so panusam ed saray bansa lapud impangibung dad dala na saray aripen mo.

Saray Salmo 80:6

Inyabuloy mon panlalabanan na saray kakaabay min bansa so dalin mo; papabaingan kami na saray kalaban mi.

Isaias 30:29

Balet sikayo ran totoo na Dios, manliket tan mankanta kayo a singa gagawaen yo no labi no masanton pista. Manliket kayon singa saray manaakar legan a totogtogen iray plauta diad pamapaarap dad Timplo na Katawan a manangyagel na Israel.

Saray Tagleey 2:19

Diad sanlabi liing-liing kan ontawag ed Katawan; Walwalan moy pusom tan kerew mod sikato a kasian to ray anak mo— Saray anak ya ompapatey ed eras diad balang sokung na daladalan!

Saray Tagleey 4:1

Binmurarog la so kirlap na balituk tayo; ataytayak ed saray dalan iray bato na Timplo;

Ezekiel 46:10

No onloob la ray totoo, nepeg ya onloob met lay prinsipi, tan no ompaway la ra, nepeg ya ompaway met la.

Joel 2:17

Nepeg ya onakis tan mampikasi iray paparin manlilingkur ed nanleetan na altar tan say lolooban ed Timplo: “Katawan, kasian mo pa ray totoom. Ag mo pa iyaabuloy a balawen tan ludlureyen kami na arum a bansa diad pangikuan da, ‘Kawalaan na Dios yo?’”

Nahum 1:15

Bantag yo, onsasabid kapalandeyan so sakey ya ibabakin sankaawit toy maung a balita! Wala lad dalan a mangibawag na pananalo! Totood Juda, silibraan yo ray pista yo tan iter yoy sinambaan yon iter ed Dios, ta ag lan balut nalooban na saray totoon maoges so dalin yo. Sigput la ran aderal!

Lucas 16:25

Balet inkuanen Abraham, ‘Anak ko, tandaan mo a nen mambibilay kad tapew na dalin, walad sikay maung iran bengatla, balet walad kinen Lazaro iray kairapan. Manliliket dia natan, balet maniirap kad tan.

Deuteronomio 16:11

Manliket kayo ed arap na Katawan a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo. Gawa yo yad samay pasen a panangigalangan.

Ruth 1:21

Nen tinmaynan ak dia dakel so kayamanan ko, balet say Katawan a pinapawil to ak ya anggapon balut so awit ko. Akin et tawagen yo ak ni na Noemi, anta say Makapanyarin-amin a Katawan et dinusa to ak tan initdan to ak na kairapan?”