Saray Salmo 40:16 - Maung A Balita Biblia

¹⁶ Manliket tan manggaya komun ya amin iray ondaragod sika. Amin a misasalamat lapud panangilaban mo et ikuan da komun lawas, “Agaylay talonggaring na Katawan!”

Maung a Balita Biblia

¹⁶ Manliket tan manggaya komun ya amin iray ondaragod sika. Amin a misasalamat lapud panangilaban mo et ikuan da komun lawas, Agaylay talonggaring na Katawan!

Saray Salmo 40:16 Iomraidhean Croise

Saray Salmo 105:3

Manggayaga kayo, ta kayaryan to itayo; manliket komun ya amin iray mangigagalang ed Katawan!

Saray Salmo 119:111

Andi-anggaan a tawir ko iray ganggan mo; sikaray liket na pusok.

Saray Salmo 119:123

Naksawan la ray matak lapud panaalagar koy panangilaban na tulong mo, say kilalaban ya insipan mo.

Saray Salmo 119:81

Katawan, nalmay ak lad panaalagar koy pangilaban mod siak; maniilalo ak ed salitam.

Saray Salmo 22:26

Saray mairap-bilay mangan iray labalabay da; saray ondaragod Katawan igalang da. Onaligwas ira komun ed ando lan ando!

Saray Salmo 35:21

Aakusaen da ak tan iyeeyag da, “Anengneng miy ginawam!”

Saray Salmo 35:27

Saray mampipilalek a napaneknekan ya anggapoy kasalanan ko et oneyag ira komun ed liket tan ikuandan naynay, “Matalonggaring so Katawan! Maliket ed inyaligwas na aripen to.”

Saray Salmo 68:3

Balet magayaga tan maliket iray matonung ed arap to; maliket ira tan oneeyag irad liket.

Ezekiel 26:2

Inkuanto, “Sika a toon ompatey, dengel mo yay ibagak. Sikato yay pakaliliketan na saray totood siudad na Tiro. Iyeeyag da, ‘Aderal-deral so Jerusalem! Naandi la so pakayari to ed nigosio! Ag lan balut nayarin kakompitinsia!’

Saray Gawgawa 19:17

Abalitaan ya na amin da ray Judio tan Hintil a manaayam ed Efeso. Asabian iran amin a balbaleg a takot, tan lalon apagalangan so ngaran nen Jesus a Katawan.