Saray Salmo 4:4 - Maung A Balita Biblia

⁴ Giwgiw kayon sitatakot tan tondaan yo lay mankasalanan; motektek yo yan maung no mandokdokul kayon mareen ed saray katri yo.

Maung a Balita Biblia

⁴ Giwgiw kayon sitatakot tan tondaan yo lay mankasalanan; motektek yo yan maung no mandokdokul kayon mareen ed saray katri yo.

Saray Salmo 4:4 Iomraidhean Croise

Say Libro nen Job 28:28

Inkuan na Dios ed too, ‘Magmaliw kan makabat no takotan moy Katawan, Nawalaan kay pakatalus no ibatikan moy kaogsan.’”

Saray Salmo 119:161

Saray makapanyarin totoo papairapen da ak ya anggan anggapoy makasengeg, balet papagalangan koy ganggan mo.

Saray Salmo 17:6

Mampipikasi ak ed sika, O Dios, ta eebatan mo ak; lingaw ka pa sirin tan dengel mo ray salitak.

Saray Salmo 2:11

Sitatakot kayon manlingkur ed Katawan; giwgiw

Saray Salmo 3:2

Tongtongtongen da ak tan kuanda, “Ag tulongan na Dios.”

Saray Salmo 3:4

Ontatawag ak na maksil a patulongan ed Katawan, tan manlapud masanton palandey to, eebatan to ak.

Saray Salmo 33:8

Igalang moy Katawan, sikan sankamundoan. Pagalangan yo, sikayon amin a katoowan ed intiron mundo.

Saray Salmo 46:10

Kuanko, “Itonda yo lay panlalaban yo, tan birbir yon siak so Dios, sankatalonggaringan ed saray bansa, sankatalonggaringan ed intiron mundo.”

Saray Salmo 63:6

No mandokdokul ak nanununotan ta ka; nilabi-labi sikay walad isip ko,

Saray Salmo 77:6

Sanlabin araldalem so nununoten ko; mandadalepdep ak, tan onyay itetepet kod siak a dili:

Probirbio 16:17

Dalan ya anggapoy kaogsan so pankukurangan da ray totoon maung a totoo; kanyan nengneng moy lalaen mo, ta nayarin ilaban toy bilay mo.

Probirbio 16:6

Magmaliw kan matoor tan maonur, et pirdonaen na Dios so kasalanan mo. Pagalangan moy Katawan, et anggapoy maoges a nagawad sika.

Probirbio 3:7

Ag mon balut ipapasen a makabat ka nen say peteg a kakabatan mo; takotan moy Katawan, tan ag ka mangagaway kaogsan.

Jeremias 5:22

Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Habacuc 2:20

Say Katawan et walad dalem na masanton Timplo to; mandeen komun ed arap to so balang sakey a too diad tapew na dalin.

2 CORINTO 13:5

Subok yoy sikayon dili tan imano yo no mambibilay kayo kasi onung ed pananisia. Ag yo ta nabibirbir ed sikayon dili a walad sikayoy Jesu-Cristo?—likud labat no ag yo nilabas so pananubok.

TAGA-EFESO 4:26

No mampasnuk kayo, paliisan yoy pakapankasalanan yo, tan ag kayo mamapasnuk a sanagew.