Saray Salmo 39:1 - Maung A Balita Biblia

¹ Inkuanko, “Apigeren ko ray kagagawak tan ag ko iyabuloy a pankasalananen ak na dilak; ag ak mansalita na anggan anto, no walad kaliber-liber ko ray totoon maoges.”

Maung a Balita Biblia

¹ Inkuanko, Apigeren ko ray kagagawak tan ag ko iyabuloy a pankasalananen ak na dilak; ag ak mansalita na anggan anto, no walad kaliber-liber ko ray totoon maoges.

Saray Salmo 39:1 Iomraidhean Croise

1 Saray Arari 2:4

No onuren mo ray ganggan to, sumpalen met na Katawan so sipan tod siak a manoley ed Israel iray kabyangay boleg ko, legan a mabolbolus tan matoor iran mangonur ed saray ganggan to.

2 Saray Arari 10:31

Balet aliwan masimoon so impangonur nen Jehu ed saray ganggan na Katawan, say Dios na Israel; inalig to ingen si Jeroboam ya angilagyat a nankasalanan so Israel.

1 Saray Awaran 16:41

Kaiba rad man si Heman tan si Jedutun tan saray arum a pinili tan intalaga a mankantay dayew ed Katawan lapud andi-anggaan a panangaro to.

Say Libro nen Job 2:10

Inmebat si Job, “Andi-kakanaay ibabagam! No mangiter na kamaungan so Dios, awaten tayo. Akin et ag tayo awaten no kairapan so iter to?” Anggan ontan lay paniirap to si Job ag nansalita na maoges sumpad Dios.

Saray Salmo 119:9

Panon a napansiansia na tobun-balo so bilay ton malinis? Diad panamegley na pangonur tod saray ganggan mo.

Saray Salmo 12:4

“Nanaala miy labay mi diad panamegley na saray salita mi. Salitaen miy labay mi, et anggapoy makapatondad sikami.”

Saray Salmo 141:3

Katawan, mangyan ka pay guardiad sangik, sakey a bumabantay ed puirta na saray bibil ko.

Saray Salmo 34:13

Ag kayo sirin mansasalitay maoges tan ag kayo mantitila.

Saray Salmo 62:1

Aanosan kon aalagarey pangilaban na Dios ed siak; sikato labat so panmamatalkan ko.

Saray Salmo 77:1

Ontatawag ak na maksil ed Dios; ontatawag ak na maksil, et derengelen to ak.

Probirbio 18:21

Makaiter odino makaderal na bilay so panagsalitam; kanyan nepeg mon awaten iray bunga na panagsalitam.

Probirbio 21:23

No labay mon naarawiay golo alwaran moy panagsalitam.

Amos 5:13

Kanyan diad sarayan maoges a panaon maung lay ag oneseesel so too.

COLOSAS 4:5

Nepeg a makabat kayo diad pipiolup yod saray aliwan mananisia, tan ikana yo ray amin a pankanawnawan walad sikayo.

Saray Hebreo 2:1

Kanyan nepeg tayon bembenan na malet iray katwaan a nadngel tayo, pian ag itayo nabalang.

Santiago 1:26

No ipasen na siopaman a sikatoy rilihioso, balet et ag to napatonday sangi tod panagsalitay kaogsan, titilaan to labat so sikaton dili tan andi-kakanaay rilihion to.