Saray Salmo 38:10 - Maung A Balita Biblia

¹⁰ Mampokal so pusok tan naoput lay biskeg ko, tan ngalngali ag ak la makanengneng.

Maung a Balita Biblia

¹⁰ Mampokal so pusok tan naoput lay biskeg ko, tan ngalngali ag ak la makanengneng.

Saray Salmo 38:10 Iomraidhean Croise

Saray Salmo 119:123

Naksawan la ray matak lapud panaalagar koy panangilaban na tulong mo, say kilalaban ya insipan mo.

Saray Salmo 31:10

Naknaksawan ak la lapud ermen, tan pinatikey la na kakaakis so bilay ko. Makapkapoy ak la lapud saray gunigon ko; onkakalug met la ray pokel ko.

Saray Salmo 42:1

No panoy pampipirawat na ulsa ed ambetel a danum na kolus, ontan met so pampipirawat kod sika, O Dios.

Saray Salmo 6:7

Ngalngalin ag ak la makanengneng; linmalarag la ray matak diad panaakakis ko lapud amin da ray kalaban ko.

Saray Salmo 69:3

Naksawan ak lan onkekerew na tulong, tan anagasang lay kolukolung ko. Onsasakit la ray matak diad panatalaran kod isabiy tulong mo.

Saray Salmo 88:9

makapoy lay pakanengneng ko lapud kakairapan ko. Katawan, inagew-agew a tatawagan ta ka tan yaatagey ko ray limak a mampipikasid sika.

Isaias 21:4

Nanaelaw ak tan manggiwgiw ak ed takot ko. Nampilalekan kon onsabi lay kabwasan, balet lalon baleg a takot so inter tod siak.

Saray Tagleey 2:11

Ambalbalanga lan maung iray matak lapud kakaakis ko; nagugunigon so kamarerwak. Makolkolaney ak lad ermen lapud inkaderal na saray totook. Napupunaw ed saray dalan na siudad iray ogogaw tan saray kapangyanak.