Saray Salmo 36:3 - Maung A Balita Biblia

³ Maoges iray salita to tan tila ran amin; ag to la manggagawa na ontokuy ed kakabatan tan kamaungan.

Maung a Balita Biblia

³ Maoges iray salita to tan tila ran amin; ag to la manggagawa na ontokuy ed kakabatan tan kamaungan.

Saray Salmo 36:3 Iomraidhean Croise

2 Samuel 22:22

Tinoluk koy ganggan na Katawan; ag ko imbeneg so Dios ko.

2 Saray Awaran 20:32

Ginawa toy kaptekan ed arap na Katawan a singa ginawa nen Asa ya ama to;

Saray Salmo 10:7

Napno na ayew, tila, tan taktakot iray balikas to; marlas a mansalitay ansakit tan maoges.

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

Saray Salmo 140:3

Singa makapatey ya oleg so kadilaan da; singa ditay kobra iray salita ra.

Saray Salmo 5:9

Ag napanmatalkan so salita da ray kalaban ko; labay da labat so manderal. Maamuyot so panagsalita ra, balet napnoy makapatey a panamalikdo.

Saray Salmo 55:21

Marlas a singa mantikilya so panagsalita to, balet napnoy panagbosul so puso to; singa larak a panagpoyuk iray salita to, balet matdem iran singa ispada.

Saray Salmo 58:3

Saray totoon maoges et maoges irad intiron bilay da; manlapud inkianak da, mantitila la ra.

Saray Salmo 94:8

Talusan yo, sikayo ran totook, agaylay inkakulang-kulang yo! Kapigay pakaaral yo?

Probirbio 4:16

Ag makaogip iray totoon maoges no ag ni ra akapanggaway kaogsan. Ag ira makalirep no anggapo niy apasakitan dan too.

Jeremias 4:22

Say Katawan kuanto, “Anggapoy kalakal iray totook; ag da ak kabat. Singa ra ogogaw ya anggapoy kalakal; anggapoy pakatalus da. Marunong iran manggaway kaogsan, balet ag da amtay manggaway kamaungan.”

Oseas 8:3

impolisay da so kamaungan. Lapud saya osilan ira na saray kalaban da.

Sofonias 1:6

Pateyen ko ray angibeneg ed siak, tan ag da ak la totombuken, saray ag onsisingger ed siak odino papaiwanwan ed siak.”

Mateo 22:35

Walay sakey ed sikaran makabat ed Ganggan a sinali ton ereley Jesus diad panamegley na sakey a tepet.

Lucas 11:25

Ompawil sirin tan naalmoan to ya anggapoy manaayam, malinis, tan masinup.

Saray Hebreo 10:39

Aliwa tayon singa saray totoon ombebeneg a mamaarap ed kaderalan. Ingen, singa tayo saray totoon mananisiad Dios tan nilalaban.

1 Juan 2:19

Sarayan totoo et aliwa ran tuan kabyangay moyungan tayo, kanyan tinaynan da itayo. No talagan kaiba tayo ra ed moyungan tayo, nansiansia ra komun ya akiolup. Balet tinmaynan ira, kanyan malinew ya amin da et aliwan kabyangay moyungan tayo.

1 Samuel 15:26

“Ag ak milad sika,” ebat nen Samuel. “Impolisay moy ganggan na Katawan, kanyan impolisay to ka ya ari na Israel.”

1 Samuel 16:14

Tinaynan na ispiritu na Katawan si Saul, tan pinairap na sakey a ispiritun maoges ya imbakiy Katawan.

1 Samuel 18:21

Inkuantod sikaton dili, “Iter kon asawaen nen David si Micol; agamilen kon mangalut ed sikato, pian napatey na saray Filisteo.”

1 Samuel 26:21

Inmebat si Saul, “Makapoy so ginawak. Pawil ka la, David, ya anak ko! Ag ta ka lan balut pasakitan, ta ag mo ak pinatey ed sayan labi. Nakalan ak na kalakal! Maoges a tuloy so ginawak!”