Saray Salmo 34:7 - Maung A Balita Biblia

⁷ Say anghil na Katawan babantayan to ray mangigagalang ed Katawan tan iyaagel to rad kaatapan.

Maung a Balita Biblia

⁷ Say anghil na Katawan babantayan to ray mangigagalang ed Katawan tan iyaagel to rad kaatapan.

Saray Salmo 34:7 Iomraidhean Croise

2 Saray Arari 19:35

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus, walomplo tan liman libon sondalo. Diad palbangon ed ontombuk ya agew kibalatar irad man ya inaatey!

2 Saray Arari 6:17

Insan nampikasi, “O Katawan, lokasan mo pay mata to, pian nanengneng to!” Inebatan na Katawan so pikakasi to; ninmengneng imay aripen nen Eliseo, et anengneng toy gilig na palandey a napnoy kabayo tan karwahin apoy ya akapaliber iran amin ed kinen Eliseo.

Saray Salmo 138:3

Inebatan mo ak nen tinmawag ak ed sika; pinabiskeg mo ak na pakayarim.

Saray Salmo 139:5

Wala kad kaliber-liber ko; iyaagel mo ak diad panamegley na pakayarim.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Saray Salmo 91:11

Iganggan na Dios iray anghil ton mangasikasod sika, tan mangyagel ed sikad inerman a laen mo.

Exodo 22:22

Ag yo papairapen so siopaman a balon bii odino siopaman ya olila.

Exodo 22:26

No alaen yoy kawes na sakey a too a sikatoy kaletan a bayaran to kayo, nepeg yon ipawil kasakbayan ya onselek so agew,

Daniel 6:22

Imbaki na Dios ko so anghil to ya amepet ed sangi da ray lion, pian ag da ak napasakitan. Ginawa to ya, ta amta to ya anggapoy kasalanan ko tan anggapoy maoges a ginawak ed sika, Kagalang ya Ari.”

Zacarias 9:8

Guardiaan koy dalin ko tan ag ko padalanen ed dalin ko iray sondalo. Ag ko la abuloyan a pairapen na saray maruksan totoo iray totook. Anengneng ko so ontan lan impanirap na saray totook.”

Mateo 18:10

“Imano yo ta ompan balawen yoy sakey ed sarayan ogogaw. Kuankod sikayo a diad tawen, saray anghil da ra yan ogogaw et wala ran naynay ed arap na Amak ed tawen.

Lucas 16:22

Inatey si Lazaro, tan inawit ed tawen na saray anghil, diad diking nen Abraham. Inatey met imay mayaman, tan nipompon.

Saray Hebreo 1:14

Siopa sirin iray anghil? Ispiritu ran amin a manlilingkur ed Dios, tan imbaki to ran ontulong ed saray mangawat na kilalaban.