Saray Salmo 32:4 - Maung A Balita Biblia

⁴ Agew-labin dinudusa mo ak, Katawan; nakal lan sigput so biskeg ko, a singa bengatlan ambasa a pinamagay petang ed panaoy tiagew.

Maung a Balita Biblia

⁴ Agew-labin dinudusa mo ak, Katawan; nakal lan sigput so biskeg ko, a singa bengatlan ambasa a pinamagay petang ed panaoy tiagew.

Saray Salmo 32:4 Iomraidhean Croise

Say Libro nen Job 16:21

Labay kon walay mangitalindeg ed siak ed Dios, a singa pangitalindeg na sakey a too ed kaaro to.

Say Libro nen Job 30:30

Nagmaliw ya andeket so baog ko; napopoolan ed kapepetang ko.

Say Libro nen Job 33:7

Kanyan anggapoy makasengeg na itakot mod siak; ag ta ka sarasarag a taloen.

Saray Salmo 22:15

Say kolukolung ko et amagaan a singa dabuk, tan ompepeket so dilak ed tawen-tawen ko. Tinaynan mo ak ya ompapatey ed dabuk.

Saray Tagleey 4:8

Diad saray dalan ag la ra nabirbir natan, ta dinmeket a singa oring so kalupaan da; singa amagan kiew lay baog dan kinmomanet tan kapokepokel la ra.

Saray Tagleey 5:10

Lapud eras singa kami popoolan ed kapepetang mi, ya anggad ampetang lay baog mi a singa pogun.

Ruth 1:13

alagaren yo ni ra kasin ombaleg a mangasawad sikayo? Manebel ya kasi ed piasawa yod arum? Anak ko, ag ya nayarin balut. Impolisay ak na Katawan, kanyan eermenan ta kayon tuloy.”

1 Samuel 5:11

Kanyan angibaki ra lamet na manawag ed amin da ray limaran arari na Filistia. Nen atipon la ran lima, inkuanda, “Iyakar yoy Kaban na Sipanan na Dios ed pasen ton dili, pian ag to tayo pateyen tan saray pamilya tayo.” Walay gewgew ed intiron siudad, ta dudusaen iran maung na Dios.

1 Samuel 5:9

Balet kasabi tod man, dinusa met na Katawan iman a siudad, tan ginewgew ton maung iray totood man. Dinusa to ra diad panamegley na inkapelpelsaan na amin a totood siudad, mamatakken man o mamalangwer.

1 Samuel 6:9

insan yo ra bantayan; no mamaarap irad baley na Bet-semes, say dilin pasen na Kaban na Sipanan, labay ton ibaga a say dios na saray Israelita so amairap a maung ed sikatayo. No ag ira mamaarap ed Bet-semes, naamtaan tayod satan ya aliwan sikatoy amairap; nibambana labat.”