Saray Salmo 32:3 - Maung A Balita Biblia

³ Nen ag ko ni impatwa ray kasalanan kod sika, Katawan, makapkapoy ak lapud impanaakis kon inagew-agew.

Maung a Balita Biblia

³ Nen ag ko ni impatwa ray kasalanan kod sika, Katawan, makapkapoy ak lapud impanaakis kon inagew-agew.

Saray Salmo 32:3 Iomraidhean Croise

2 Samuel 11:27

Kayariy panaon na impanermen to, inala nen David ed palasio; nagmaliw ya asawa to tan naanakan to na sakey a laki. Balet akapaermen ed Katawan yan ginawa nen David.

Say Libro nen Job 3:24

Ag ak mamangan lapud ermen ko; ag ontonday panay-ay ko.

Say Libro nen Job 30:17

No labi ansakisakit iray pokel ko; ag ontonday otut a liliknaen ko.

Say Libro nen Job 30:30

Nagmaliw ya andeket so baog ko; napopoolan ed kapepetang ko.

Saray Salmo 22:1

Dios ko, Dios ko, akin et inkaindan mo ak? Manay-ay ak a kinmerew na tulong, balet ag ni sinmabi.

Saray Salmo 38:3

Lapud petang na olom, agaylay paniirap ko; lapud saray kasalanan ko mansasakit so intiron laman ko.

Saray Salmo 38:8

Makapkapoy ak tan agaylay kesaw ko; nagugunigon ak tan manay-ay ak lad sakit.

Saray Salmo 51:8

Parengel mo ak pa na saray tanul na liket tan gayaga; et anggan ontan lay impamairap tan impanusam ed siak, manliket ak ni lamet.

Saray Salmo 6:2

Kasian mo ak pa, O Katawan, ta mapalaloy kakairapan ko! Pabiskeg mo ak pa, ta makapkapoy ak la;

Probirbio 17:22

Say gayaga pansiasiansiaen toy abig na laman mo. Say ermen mankalkalnan mansumpal ed patey.

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

Isaias 51:20

Diad suyok na balang dalan mamparogsod kapoy iray totoom; singa ra ulsan narel ed iket na umaanop. Alikna ray sulit na pasnuk na Dios.

Isaias 57:17

Akapasnuk ak ed sikara lapud kasalanan da tan say inkaagom da, kanyan dinusak ira tan inkaindan ko ra. Balet anawet so olo ra tan intuloy dan inonur so labay da.

Isaias 59:11

Ataktakot tan maerermen itayo. Pampipirawatan tayon say Dios ilaban to itayod kakairapan tan kalalames tayo, balet anggapoy naalagar tayo.

Saray Tagleey 1:3

Saray totood Juda et pangaskasiyan iran aripen; apasoot iran manlingkur ed arawi. Manaayam irad saray sananey a dalin; anggapoy pasen a natawag dan kayaryan. Ag ira makabatik, lapud alakub ira na saray kalaban.

Saray Tagleey 3:4

Sinusugat to ak ya anggad pinmapaway so laman ko, tan pinopoter to ray pokel ko.

Saray Tagleey 3:8

Kinmerew ak na tulong, balet ag ak dinengel na Dios;

Oseas 7:14

Aliwan masimoon so panagpikasi rad siak, no ag ta singa ra paganon mannangis ed dokulan da. No mampikasi ran onkerew na trigo tan alak, singa ra paganon salsalgeren day laman da. Agaylay pananumlang da!

1 Samuel 31:13

Inala da ray pokel tan inkotkot da rad silong na tamarisko, diad baley na Jabes, insan ira nanayuno a pitoy agew.