Saray Salmo 30:12 - Maung A Balita Biblia

¹² Ag ko sirin pepetay sangik; kantaan ta kay panangidayew. Katawan, sikay Dios ko; ando lan andon misalamat ak ed sika.

Maung a Balita Biblia

¹² Ag ko sirin pepetay sangik; kantaan ta kay panangidayew. Katawan, sikay Dios ko; ando lan andon misalamat ak ed sika.

Saray Salmo 30:12 Iomraidhean Croise

Genesis 49:6

Ag ak mibalid maamut iran tongtongan da. Ag ak mibiang ed saray pandaragop da, Ta lapud petang na olo ra amatey iray totoo Tan nilopuy da ray bakan kalakyan a para galaw.

Ester 8:16

Saray Judio et akaliket, akalinawa, tan awalaan iray liknaan na impanalo.

Ester 9:22

Sarayan agew so impamaandi na saray Judio ed saray kalaban da tan sikato yay bulan a nagmaliw a panaon na liket tan gayaga so panaon na ermen tan inkaandiay ilalo. Nibagad sikara a diad sarayan agew mampoponsia, manliliket tan maniiteran ira na saray rigalon kakanen tan itdan da met iray mairap-bilay.

Saray Salmo 13:6

Kantaan ta ka, O Katawan, ta amayamay iray kaabigan ya inter mod siak.

Saray Salmo 145:2

Agew-agew a misalamat ak ed sika; anggad-angga ya idayew ta ka.

Saray Salmo 16:9

Kanyan maliket tan magayaga ak, tan anggapon balut so pagpagak,

Saray Salmo 44:8

Idayew mi ka lawas, tan angga anggan misalamat kamid sika.

Saray Salmo 57:8

Liing ka, O kamarerwak! Liing kayo, sikayon arpak tan lirak! Liingen ko so agew!

Saray Salmo 71:14

Sika lawas so panilaloan ko; lalon idayew ta ka lan idayew.

Saray Salmo 71:23

Oneyag ak ed liket ko, leleg ta kan totogtogan; kantaan ta kay panangidayew ed intiron inkatook, ta inlaban mo ak.

Isaias 61:3

A mangiter ed saray maneermen ed Sion Na liket tan gayaga, aliwan ermen, Sakey a kanta na dayew, aliwan ermen. Magmaliw iran singa saray kiew A say Katawan a dili so angitanem. Say inkatonung so gawaen dan amin, Tan nadayew so Dios lapud ginawa to.

Lucas 19:40

Inmebat si Jesus, “Kuankod sikayo a no ontonda ra, saray bato so oneyag.”

Saray Gawgawa 4:20

Ta ag mi nayarian ya ag ibalitay anengneng tan nadngel mi.”

Puyan 7:12

Inkuanda, “Amen! Anggad angga komun a kayaryay Dios tayo so dayew, galang, kakabatan, pisasalamat, tanduro, pakayari, tan biskeg! Amen!”