Saray Salmo 30:1 - Maung A Balita Biblia

¹ Idadayew ta ka, Katawan, lapud inlaban mo ak tan ag mo inyabuloy ya elek-elekan ak na saray kalaban ko.

Maung a Balita Biblia

¹ Idadayew ta ka, Katawan, lapud inlaban mo ak tan ag mo inyabuloy yaelek-elekan ak na saray kalaban ko.

Saray Salmo 30:1 Iomraidhean Croise

2 Samuel 20:3

Kasabi nen David ed palasio tod Jerusalem, inala to ra may samploran iyaamung ton bibii ya intilak to ran manasikasoy palasio, insan to ra impabantayan. Initdan to ray pambilay da, balet ag to la ran balut inakdulan. Apokuk ira legan na impanbilay da; nambilay iran singa saray balo.

2 Samuel 24:25

Insan nanggaway altar a para Katawan tan angisaklang na saray bagat a popoolan tan saray bagat a para kareenan. Inebatan na Katawan so pikakasi to, kanyan tinmonda so salot ed Israel.

2 Samuel 5:11

Si Ari Hiram na Tiro angibaki na totoo to ed kinen David; initdan to na saray troson sidro, saray karpintiro tan saray kantiro ta ipaalageyan day sakey a palasio.

2 Samuel 6:20

Ag abayag sinmempet met lay David a mangilugay ed pamilya to. Pinmaway ya onabet ed sikato si Micol tan inkuanto, “Sayan agew ontan lay impangitanduro na arid Israel ed sikaton dili! Singa ambagel a lakseb ed arap da ray bibiin managlingkur na saray opisyal to!”

2 Samuel 7:2

Insan inkuan na ari ed kinen propita Natan, “Wadya ak a manaayam ed abung a sidro, balet say Kaban na Sipanan na Dios et akasinup labat ed dalem na sakey a tulda!”

1 Saray Arari 8:63

Duamplo tan duan libon baka tan sanlasus tan duamplon libon karniro so insaklang nen Solomon a bagat a para kareenan. Diad onya insaklang nen Solomon tan amin da ray totoo so Timplo.

1 Saray Awaran 21:6

Lapud sumlang si Joab ed ganggan na ari, ag to la binilang iray totoon kabyangay tribu di Levi tan Benjamin.

Saray Salmo 13:4

Ag nibagad satan na saray kalaban ko, “Tinalo mi!” Ag da met napanliketan ed satan so pakatumbak.

Saray Salmo 140:8

Katawan, ag mo pa iiter so labay da ray totoon maoges; ag mo pa aabuloyan a nasumpal day maoges a getma ra!

Saray Salmo 145:1

Ibawag koy inkatalonggaring mo, Dios ko tan arik; ando lan ando a misalamat ak ed sika.

Saray Salmo 25:2

manmamatalek ak ed sika, O Dios ko. Ag mo pa iyaabuloy a nabaingan ak lapud katalok; ag mo pa met iyaabuloy ya elek-elekan ak na saray kalaban ko!

Saray Salmo 27:6

Kanyan taloen ko ray kalaban kon walad kaliber-liber ko. Mangisaklang ak na saray bagat ed Timplo to a katekep na eyag na liket. Kantaan tan idayew ko so Katawan!

Saray Salmo 28:9

Ilaban mo pa ray totoom, O Katawan, tan bindisionan mo pa ray totoon kayaryan mo! Sika komuy pumapastol da, tan asikasom ira ya anggad angga.

Saray Salmo 35:19

Ag mo iyaabuloy a saray kalaban ko, saraman a matitila, et elek-elekan day inkatalok; Ag mo pa met iyaabuloy a saray mamobosul ed siak ya anggapoy makasengeg et ludlureyen day impanermen ko.

Saray Salmo 41:11

Naamtaan ko a pakaliliketan mo ak, no ag ak taloen na saray kalaban ko.

Saray Salmo 66:17

Tinmawag ak ed sikaton tulongan to ak; indayew kod panamegley na saray kanta.

Saray Salmo 79:10

Akin et tetepeten ed sikami na saray bansa, “Kawalaay Dios yo?” Ipanengneng mo pad sikami so panusam ed saray bansa lapud impangibung dad dala na saray aripen mo.

Saray Salmo 79:4

Luludlureyen da kami ray kakaabay min bansa; elek-elekan tan balbalawen da kami.

Saray Tagleey 2:15

Saray totoon ondadalan ed siudad et ngirngiriyetan da ka lapud pambabalaw dad sika. Mameyeng-peyeng ira tan elek-elekan day inkaderal na Jerusalem: “Sikato ya may marakerakep a siudad? Sikato yay ikikinon na sankamundoan?”

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Deuteronomio 20:5

“Insan saray opisyal ikuandad saray totoo, ‘Wala diad sikayo so kapkapangipaalagey toy abung to ya ag to ni abasaan? No wala, nepeg ya onsempet. Ta no napatey ed bakal, sananey a too so mampabasa.