Saray Salmo 3:3 - Maung A Balita Biblia

³ Balet sika Katawan, sasalimbengan mo ak lawas, pian niarawi ak ed kaatapan; panataloen mo ak tan pabibiskegen moy linawak.

Maung a Balita Biblia

³ Balet sika Katawan, sasalimbengan mo ak lawas, pian niarawi ak ed kaatapan; panataloen mo ak tan pabibiskegen moy linawak.

Saray Salmo 3:3 Iomraidhean Croise

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Genesis 40:13

Kalabas na taloy agew, ibolus kay ari, pirdonaen to ka, tan ipawil to kad gendat a kimey mo. Iderew mod sikatoy kupa, a singa gagawaen mo nen sikay inkargado na alak to.

2 Saray Arari 18:30

Ag yo aabuloyan a tangoyuren to kayon manmatalek ed Katawan. Ag yo komun nununoten ya iyagel kayo na Katawan tan ag to abuloyan a dakepen na saray sondalo na Asiria so siudad yo.

2 Saray Arari 18:32

anggad panayamen kayo na impirador ed sakey a bansa a singa met lamlamang say bansa yo a wala ray kaubasan a mangiter na ubas tan wala ray trigo a gawaen a tinapay; sakey a dalin a wala ray kiew na oliba, larak na oliba, tan say dilo. No onuren yo ray ganggan to ag kayo ompatey, no ag ta mambilay kayo. Ag yo dedengeley Ezekias no ibaga tod sikayon iyagel kayoy Katawan, ta papalikdoen to kayo labat.

2 Saray Arari 25:27

Nen taon a nagmaliw ya arid Babilonia si Evilmerodac, kinasian ton impaway ed prisowan si Joakin. Agawa ya nen kumaduamplo tan piton agew na kumatalomplo tan piton taon na inkadakep nen Joakin.

Saray Salmo 110:7

Say ari oninom ed sobul a walad gilig na dalan, tan no binmiskeg la, onalagey a manalo.

Saray Salmo 119:114

Sikay manangyagel ko tan manangasikasok; maniilalo ak ed sipan mo.

Saray Salmo 18:2

Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Saray Salmo 27:6

Kanyan taloen ko ray kalaban kon walad kaliber-liber ko. Mangisaklang ak na saray bagat ed Timplo to a katekep na eyag na liket. Kantaan tan idayew ko so Katawan!

Saray Salmo 28:7

Say Katawan so biskeg tan manangyagel ko, imamatalek kod sikato so bilay ko. Tutulongan to ak tan pagagayagaen to ak; idayew ko diad panamegley na saray maliket a kanta.

Saray Salmo 4:3

Tandaan yo a say Katawan pinili ton kayaryan to so toon matonung, tan dedengelen to ak no ontatawag ak ed sikato.

Saray Salmo 62:7

Walad Dios so kilalaban tan kagalangan ko; sikatoy mabiskeg a manangyagel ko; sikatoy salimbeng ko.

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Isaias 45:25

Siak, say Katawan, ilaban ko ray amin a kabyangan na boleg nen Jacob, et idayew da ak.

Isaias 60:19

“Diad satan aliwa lan agew so manliwawad sika no agew Odino say bulan so silew mo no labi; Ta siak a Katawan so magmaliw ya andi-anggaan a silew mo; Onsinag ed sika so silew na kagalangan ko.

Lucas 2:32

Say silew a mamaliwawad saray Hintil, tan mangiter na dayew ed bansam ya Israel.”

Deuteronomio 33:29

Israel, agaylay liket mon bansa! Anggapoy mipara sika, sakey a bansan inliktar na Katawan. Say Katawan a dili so samper tan ispadam, a mangyagel ed sika tan mangiter ed sikay pananalo. Ondagon mikasid sika iray kalaban mo, et gatin-gatinan mo ra.

Puyan 21:11

Maliwliwawa yan siudad lapud walad sikatoy kagalangay Dios; mankidyam a singa alahas a haspi, tan malinew a singa kristal.

Puyan 21:23

Ag la nakaukolay agew o bulan a manilew ed siudad, ta say kagalangay Dios so manliwawad man, tan say Kordiro so lamparaan na siudad.