Saray Salmo 29:3 - Maung A Balita Biblia

³ Narerengel so bosis na Katawan diad tapew da ray dayat; onkakarul so mapagalang a Dios, et narerengel so bosis to ed saray danum.

Maung a Balita Biblia

³ Narerengel so bosis na Katawan diad tapew da ray dayat; onkakarul so mapagalang a Dios, et narerengel so bosis to ed saray danum.

Saray Salmo 29:3 Iomraidhean Croise

Say Libro nen Job 36:33

Ipapaamta na karul so onsasabin bagyo, tan amta na saray baka ya onsasabi lay bagyo.

Say Libro nen Job 40:9

Mabiskeg ka nen say siak? Ondadalagorug so bosis mo a singa bosis ko?

Saray Salmo 104:3

tan impaalagey moy abung mo ed tapew na saray danum ed tagey. Ikakanam a karwahi iray kaloreman tan lologanan mo ray payak na dagem.

Exodo 19:16

Diad kabwasan na kumatlon agew walay karul tan kirmat, pinmatnag ed palandey so makapal a lorem, tan nadngel so makmaksil a tanul na trumpita. Amin da ray katoowan ed kampo et manggiwgiw irad takot da.

Exodo 9:28

Mampikasi kayod Katawan! Ag mi la natepelan so kairapan ya iiter na sarayan karul tan kristal! Abuloyan ta kayo lan ontaynan; ag kayo la dia manaayam.”

Exodo 9:33

Tinaynan nen Moises so ari, pinmaway ed siudad, tan inyatagey to ray lima to diad impanpikasi tod Katawan. Tinmonday karul, saray kristal, tan say oran.

Juan 12:29

Nadngel ya na saray totoon wadman tan kuanda, “Kinmarul!” Inkuan balet na saray arum, “Akisalitay sakey ya anghil ed sikato!”

Saray Gawgawa 7:2

Inmebat si Esteban, “Atateng tan agagi, dengel kayod ibagak. Nampanengneng so mapagalang tan makapanyarin Dios ed ama tayon si Abraham nen wala nid Mesopotamia, kasakbayan a manayam ed Haran.

Puyan 11:19

Alokasan ed tawen so timplo na Dios, tan anengneng ed timplo to so kaban a kawalaay sipanan. Insan kinmirmat, dinmalagorug, kinmarul, yinmegyeg, tan inmoray dakerakel a kristal.

Puyan 16:18

Kinmirmat, kinmarul, dinmalagorug, tan yinmegyeg na makmaksil. Sikato la yay sankaksilan a yegyeg, nanlapu lad inkapalsay too ed tapew na dalin. Agaylay kasil to!

Puyan 19:6

Kasumpal to ya, nadngel koy singa bosis na amayamay a totoo, a singa ungol na mabiskeg ya onaagos a danum tan dalagorug na karul. Inkuanda, “Idayew yoy Dios! Ta Ari so Katawan, say Makapanyarin-amin a Dios tayo!

Puyan 4:5

Manlalapud man ed trono so kirmat, saray tanul, tan dalagorug na karul. Walay pitoran mandarlang a lamparaan ed arap na trono; sikara yay pitoran ispiritu na Dios.

Puyan 8:5

Insan inala na anghil so pananginay insinso, pinano toy apoy a nanlapud altar, tan imbantak tod mundo. Kinmarul ed satan, dinmalagorug, kinmirmat, tan yinmegyeg.

1 Samuel 7:10

Legan nen Samuel a mangibabagat, onaasingger iray Filisteo ya ondogpa, balet makmaksil a pinakarulan ira na Katawan. Agewgew ira, tan kibatiktik ira.