Saray Salmo 28:9 - Maung A Balita Biblia

⁹ Ilaban mo pa ray totoom, O Katawan, tan bindisionan mo pa ray totoon kayaryan mo! Sika komuy pumapastol da, tan asikasom ira ya anggad angga.

Maung a Balita Biblia

⁹ Ilaban mo pa ray totoom, O Katawan, tan bindisionan mo pa ray totoon kayaryan mo! Sika komuy pumapastol da, tan asikasom ira ya anggad angga.

Saray Salmo 28:9 Iomraidhean Croise

2 Samuel 21:3

Kanyan tinawag nen David iray totood Gabaon tan kuantod sikara, “Antoy labay yon gawaen ko para sikayo? Labay koy manggaway kamaungan ed sikayo ya isalat ed samay kaogsan ya agawad sikayo, pian nabindisionan yo ray totoo na Katawan.”

2 Samuel 7:7

Diad impipilak ed saray totood Israel ag kon balut tinepet ed siopaman a pinilik a panguloy Israel no akin et ag to ak impaalageyan na timplo a sidro.’

1 Saray Arari 8:51

Totoom iran dili ya impaway mod Egipto, say bansan singa tonaway balatyang.

1 Saray Arari 8:53

Ta pinilim irad saray katoowan ed intiron mundo, pian magmaliw iran dilin totoom, onung na imbagam ed panamegley nen Moises ya aripen mo nen impaway mod Egipto iray lalaki mi.”

Esdras 1:4

No walad saray totoo ton nibantak ed arum a bansa so mankaukolan na tulong ed ipawil da, saray kakaabay da so nepeg ya ontulong ed sikara. Nepeg da ran itdan na pilak tan balituk, saray abasto, tan saray ayayep. Nepeg da ran itdan met na saray bagat ya isaklang ed Timplo na Dios diad Jerusalem.”

Saray Salmo 14:7

Oy la komun ta nagamuran la na Israel so kilalaban a manlalapud Sion! Ontan lay panliket na saray totood Israel no paaligwasen ira lamet na Katawan.

Saray Salmo 25:22

Ekal mo pad saray totoom ya Israelita, O Dios, iray amin a gunigon da!

Saray Salmo 78:71

a dimay pangaasikasoan tod saray ayep to; ginawa ton ari na Israel, say pumapastol na saray totooy Dios.

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

Isaias 46:3

“Dengel kayod siak, sikayon kabyangan na boleg nen Jacob, amin yon atilak a totook. Inasikaso ta kayo nanlapu lad inkianak yo.

Isaias 63:9

amin a kairapan da. Aliwan anghil, no ag ta say Katawan, so angilaban ed sikara. Lapud panangaro tan panangasi to dinondon to ra. Nen imbeneg iran panaon inaasikaso to ra lawas,

Jeremias 10:16

Aliwan singa sikara so Dios nen Jacob; sikatoy nanggawa ed amin a bengatla, tan pinili ton dilin totoo to so Israel. Yahweh a Makapanyarin-amin so ngaran to.

Jeremias 31:7

Say Katawan kuanto, “Mankanta kayod liket para Israel, say sankatalonggaringan ed saray bansa. Kanta yoy imno na panangidayew, ‘Inyagel na Katawan iray totoo to, inliktar ton amin iray akeraan.’

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Mikias 5:4

No sikatoy onsabi, oleyan to ray totoo to diad panamegley na biskeg a manlalapud Katawan; walad sikato so dilin pakapanyari na Katawan a Dios. Mambilay ya arawid kaatapan iray totoo to, lapud birbiren na saray katoowan ed intiron mundo so inkatalonggaring to,

Mikias 7:14

Katawan, sika pay mampastol ed saray totoon pinilim. Anggan manaayam iran mambukbukor ed kalawakan, walay mataban dalin ed kaliber-liber da. Ipaarap mo pa ran mangan ed saray malambut a pastolan ed Basan tan Galaad a singa ginagawa ra nen saman.

Mateo 2:6

‘Sika, O Betlehem, diad dalin na Juda, aliwan sikay sankaabebaan ed saray manonan baley na Juda; ta panlapwan kay sakey a pangulo a mangiwanwan ed saray totook ya Israel.’”

TAGA-EFESO 1:18

Ipipikasik a naliwawaan komuy kanunotan yo pian naamtaan yo no antoy ilalon impanawagan tod sikayo, no panoy kayaman na makapakelaw iran bindision ya insipan ton ipatawir ed saray totoo to,

Deuteronomio 1:31

tan diad kalawakan. Anengneng yo no panoy abig na impangyakar tod sikayo diad sayan pasen, singa sakey ya aman angawit na melag a lakin anak to.’

Deuteronomio 32:9

balet pinili ton para sikaton dili iray kabyangay boleg nen Jacob.

Deuteronomio 9:26

Et nampikasi ak, ‘Katawan a Dios, ag mo pa papateyen iray dilin totoom, saray totoon inyagel tan impaway mod Egipto diad panamegley na baleg a biskeg tan pakayarim.

Deuteronomio 9:29

Say katwaan to, sikaray totoon pinilim a kayaryan tan impaway mo rad Egipto diad panamegley na baleg a biskeg tan pakayarim.’