Saray Salmo 28:5 - Maung A Balita Biblia

⁵ Ag da iimanoen iray ginagaway Katawan, odino saray pinapalsa to; kanyan dusaen to ra, tan deralen to ra ya anggad angga.

Maung a Balita Biblia

⁵ Ag da iimanoen iray ginagaway Katawan, odino saray pinapalsa to; kanyan dusaen to ra, tan deralen to ra ya anggad angga.

Saray Salmo 28:5 Iomraidhean Croise

2 Samuel 7:13

Sikatoy mamaalagey na sakey a timplon para siak, tan pansiansiaen ko ya anggad angga so nanarian to.

2 Samuel 7:27

O Katawan a Makapanyarin-amin a Dios na Israel! Matalek kon ipikasi yad sika, ta impuyan mo yan amin ed siak ya aripen mo, tan imbagam ed siak a gawaen mon arari iray kabyangay boleg ko.

1 Saray Arari 11:38

Wala ak lawas ed sika no sigput ya onuren mo ak tan gawaen moy linawak diad panumpal mod saray ganggan tan saray bilin ko a singa ginawa nen David ya aripen ko. Gawaen ta kan ari na Israel tan pansiansiaen ko a saray kabyangay boleg mo so onsalat ed sikan manoley, a singa samay ginawak ed kinen David.

Saray Salmo 10:5

Maaligwas so pansusumpalay amin a gagawaen na toon maoges. Ag to natatalusan iray sintinsiay Dios; eelek-elekan to ray kalaban to.

Saray Salmo 104:24

Katawan, amayamay iray pinapalsam a bengatla! Diad panamegley na ontan lan kakabatan mo, ginagawam ira! Say dalin napno na saray pinalsam.

Saray Salmo 8:3

No nengnengen koy tawen a pinalsam, say bulan tan saray bitewen ya inliram irad pasen da—

Isaias 22:11

nanggawa kayoy dipositowan ed loob na siudad ya agosan na danum a manlapud daan a dipositowan. Balet ag yo inasasikaso odino anunotan so Dios ya abayag lan angiplano ed sarayan amin tan sikatoy angyabuloy a nasumpal ira.

Isaias 40:26

Tangay kayo pa ed tawen! Siopay amalsad saray sankanengneng yon bitewen? Say mangiwawanwan ed sikaran singa saray sondalo et amta toy karakel da tan tatawagen tod ngaran so balang sakey ed sikara. Ontan lay kabaleg so pakayari to— anggapoy nabalang ya anggan sakey ed sikara!

Isaias 45:12

Siak so nanggawad mundo tan amalsad too a manayam ed tapew na dalin. Lapud pakayarik impanat koy katawenan; siak so makaoley ed agew, bulan, tan saray bitewen.

Isaias 45:18

Say Katawan pinalsa toy katawenan— sikato so Dios! Tinibokel tan ginawa toy mundo— ginawa ton malet tan mansiansia lawas. Ag to ginawan anggapoy kabaliksan to, no ag ingen ginawa ton pasen a panayaman na saray totoo. Sikato so angikuan, “Siak so Katawan, tan anggapo lay arum.

Isaias 45:8

Mangiter ak na pananalon singa oran a manlapud tawen; onsangiy dalin a mangawat ed oran et manrosas na kilalaban tan inkatonung. Siak, say Katawan, so mangyabuloy a nagawa ya.”

Isaias 5:12

Diad saray pista yo wala ray arpa, pandirita, tan plauta tan alak. Balet ag yo natatalusan so gagawaen na Katawan.

Jeremias 31:4

Pasimbaloen ko so kipapasen yo a totook. Alaen yo lamet iray tamborin yo tan maliket kayon mansayaw-sayaw.

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Saray Bilang 23:23

Anggapoy panamalikdo odino panagsalamangka diad pananulong na maoges ya ispiritu A makasumpa ed bansan Israel. Natan saray totoo ikuanda nipaakar ed Israel. ‘Nengneng yo no antoy ginawa na Dios!’

Juan 12:37

Ag nin siansia anisia ray totoo ed kinen Jesus, anggaman ya anengneng da ray milagron ginagawa to.

Saray Taga Roma 1:20

Ta nanlapu lad impamalsay Dios ed mundo say ag nanengneng a kipapasen to, a salanti say andi-anggaan a pakayari tan inka-Dios to, et nanengneng a malinew la tan natalusan na saray totoo diad panamegley da ray pinalsa. Kanyan anggapo lay nibaraay totoo!

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.