Saray Salmo 27:14 - Maung A Balita Biblia

¹⁴ Manmatalek kad Katawan. Mampabiskeg ka, pakpel moy linawam. On, manmatalek kad Katawan.

Maung a Balita Biblia

¹⁴ Manmatalek kad Katawan. Mampabiskeg ka, pakpel moy linawam. On, manmatalek kad Katawan.

Saray Salmo 27:14 Iomraidhean Croise

Genesis 49:18

“Manalagar ak na panangilaban mo, Katawan.

Saray Salmo 130:5

Ontan lay panaalagar koy tulong na Katawan, tan manmamatalek ak ed salita to.

Saray Salmo 138:3

Inebatan mo ak nen tinmawag ak ed sika; pinabiskeg mo ak na pakayarim.

Saray Salmo 25:21

Iyagel ak komun na kaabigan tan kaptekan ko, ta manmamatalek ak ed sika.

Saray Salmo 25:3

Ag nabaingan iray manmamatalek ed sika, no ag ingen saray bengatbengat ya onsusumpad sika.

Saray Salmo 31:24

Mampabiskeg kayo tan mampakasil kayoy linawa, amin yon maniilalod Katawan.

Saray Salmo 33:20

Say Katawan so paniilaloan tayo; sikatoy mananulong tan manangyagel tayo.

Saray Salmo 37:34

Manmatalek kad Katawan, tan onur mo ray ganggan to; pagalangan to ka diad pangiter tod sikay dalin, tan nanengneng mon napagit iray totoon maoges.

Saray Salmo 37:7

Mandeen kad arap to, tan mananos kan manalagar ed sikato; ag ka nagugunigon lapud saray totoon onaaligwas, odino lapud saray totoon maung so pansusumpalay maoges iran getma ra.

Saray Salmo 40:1

Inanosan koy nanalagar ed tulong na Katawan; insan tinalineng to ak tan dinengel toy tawag ko.

Saray Salmo 62:1

Aanosan kon aalagarey pangilaban na Dios ed siak; sikato labat so panmamatalkan ko.

Saray Salmo 62:5

Say Dios labat so panmamatalkan ko; sikatoy paniilaloan ko.

Probirbio 20:22

Ag ka ombabales ed antokaman a maoges. Diad Katawan ka manmatalek, et tulongan to ka.

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

Isaias 26:8

Oonuren miy linawam tan manmamatalek kamid sika; sika labat so pampilpilalekan mi.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Isaias 40:31

Balet napasimbalo so biskeg na saray manmamatalek ed Katawan. Onalagey iran nampayak a singa agila; mambatik ira, et ag ira napunaw; manakar ira, et ag ira onkapoy.

Isaias 8:17

Inyamutan na Katawan iray totoo to, balet manmamatalek ak ed sikato tan sikatoy paniilaloan ko.

Saray Tagleey 3:26

Maung so mananos a manalagar ed panangilaban na Katawan.

Habacuc 2:3

Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.

Lucas 2:25

Walay lakin manaayam ed Jerusalem a say ngaran to et Simeon. Matonung tan maasingger ed Dios yan too, tan aalagaren to a nilaban so Israel. Walad sikatoy Ispiritu Santo

Lucas 2:38

Diad saman ya oras, linmad Timplo tan akisalamat ed Dios, insan nansalitay nipaakar ed kinen Jesus diad amin da ray manaalagar ed panondon na Dios ed Jerusalem.

Saray Gawgawa 28:15

Abalitaan na saray agagid Roma so nipaakar ed sikami, kanyan linma ran mangabet ed sikami diad Tindaan nen Apio tan diad Taloran Tabirna. Nen anengneng ira nen Pablo, akisalamat ed Dios, tan binmiskeg so linawa to.

Saray Taga Roma 8:25

Balet no manilalo tayod ag tayo nanenengneng, anosan tayo ya alagden.

1 CORINTO 16:13

Manalwar kayo, mampabiskeg kid pananisia, mampakpel kayoy linawa, tan mampabiskeg kid laman yo.

TAGA-EFESO 3:16

Kekerewen kod sikato, onung ed ontan lan kagalangan to, ya itdan to kayo komuy pakayarin mamabiskeg ed maispiritun bilay yo diad panamegley na Ispiritu to.

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

COLOSAS 1:11

Napabiskeg kayo komun ya amin diad tulong na mapagalang a pakayariy Dios, pian maliket yon nitepel iray amin a bengatla.