Saray Salmo 27:1 - Maung A Balita Biblia

¹ Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

Maung a Balita Biblia

¹ Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

Saray Salmo 27:1 Iomraidhean Croise

Say Libro nen Job 29:3

Say Dios wala lawas ed siak nen saman; nen manaakar ak ed bilonget inantabay to ak na liwawa.

Saray Salmo 11:1

Say Katawan so sasalimbengan ko. Panoy pangibaga na siopaman ed siak, “Tikyab kan singa manok ed kapalandeyan,

Saray Salmo 118:21

Idadayew ta ka, Katawan, lapud dinengel mo ak, tan initdan mo ak na pananalo.

Saray Salmo 118:6

Kaibak so Katawan, ag ak ontakot; antoy nagawaay too ed siak?

Saray Salmo 18:28

O Katawan, iitdan mo ak na liwawa; papaliwawaen moy bilonget ko.

Saray Salmo 18:29

Iitdan mo ak na biskeg ya ondogpad saray kalaban ko, tan pakayari a manakep ed saray tirinsira ra.

Saray Salmo 18:46

Say Katawan et mabilay! Nadayew komun so manangyagel ko! Ibawag yoy talonggaring na Dios a manangilaban ko.

Saray Salmo 19:14

Makapaliket komun ed sika iray salitak tan saray kanunotan ko, O Katawan a salimbengan ko tan mananondon ko!

Saray Salmo 3:8

Say kilalaban manlalapud Katawan— bindisionan to komun iray totoo to.

Saray Salmo 43:2

Sikay manangyagel ko; akin et inkaindan mo ak? Akin et siansiay paniirap ko lapud inkaruksa da ray kalaban ko?

Saray Salmo 62:2

Sikato labat so mangyaagel tan mangilalaban ed siak; sikatoy manangyagel ko, et ag ak balut natalo.

Saray Salmo 62:6

Sikato labat so mangyaagel tan mangilalaban ed siak; sikatoy manangyagel ko, et ag ak balut natalo.

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Exodo 15:2

Say Katawan so mabiskeg a manangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Isaias 2:5

Sikayo ran kabyangay boleg nen Jacob, mankurang itayod liwawan iiter ed sikatayo na Katawan!

Isaias 45:24

“Ibaga ra a diad siak labat so pakalmoan na pananalo tan biskeg; balet amin da ray mamobosul ed siak et napelag irad kababaingan.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Jeremias 20:11

Balet wala ka, Katawan, ed diking ko, mabiskeg tan makapanyari ka, tan natumba ray mamapaseg-segang ed siak; ag da ak balut taloen. Andi-anggaan so pakapelag dad kababaingan lapud ag ira manalo. Ag balut nalingwanan so pakapelag dad kababaingan.

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

Mateo 8:26

“Akin et ontan lay takot yo?” kuanen Jesus. “Agaylay kapoy na pananisia yo!” Inmalagey ed satan si Jesus, tan ingganggan ton ontonday bagyo tan saray daluyon. Tinmondan tuay bagyo tan dinmeen so dayat.

Lucas 2:30

Ta anengneng na dilin matak so panangilaban mo,

Lucas 3:6

Tan nanengneng na amin a katoowan so panangilaban na Dios!’”

Juan 1:9

Onsasabi diad mundo so tuan silew tan sikatoy mangiiter na liwawa ed saray katoowan.

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

2 CORINTO 12:9

balet onyay ebat to: “Say baleg a panangarok labat so nakaukolan mo, ta say pakayarik et sankabiskegan ya ontulong no makapoy ka.” Malikeliket ak sirin a mangipasirayew ed saray kakapoyan ko, pian naliknak so panangyagel ed siak na pakayari nen Cristo.

Deuteronomio 7:18

Ag kayo ontatakot ed sikara; nunot yo may ginawa na Katawan a Dios yo ed ari na Egipto tan amin a totoo to.

Deuteronomio 7:21

Kanyan ag kayo ontatakot ed sarayan totoo. Kaolup yo so Katawan a Dios yo; sikatoy Dios a makapanyari tan nepeg a takotan.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

Saray Hebreo 13:6

Kanyan manmatalek tayon mangikuan, “Say Katawan so mananulong ko, ag ak ontakot! Antoy nagawaan ed siak na too?”

Puyan 21:23

Ag la nakaukolay agew o bulan a manilew ed siudad, ta say kagalangay Dios so manliwawad man, tan say Kordiro so lamparaan na siudad.

Puyan 22:5

Anggapo lad may labi, tan ag la ra mankaukolay lamparaan o liwaway agew, ta say Katawan a Dios so silew da, tan manari ran anggad angga.

Puyan 7:10

Ineyag day maksil, “Say kilalaban manlalapud Dios tayo ya akayorung ed trono, tan say Kordiro!”