Saray Salmo 26:4 - Maung A Balita Biblia

⁴ Ag ak mililimug ed saray totoon andi-kakanaan; ag ak mibabalid saray mansimpisimpitan.

Maung a Balita Biblia

⁴ Ag ak mililimug ed saray totoon andi-kakanaan; ag ak mibabalid saray mansimpisimpitan.

Saray Salmo 26:4 Iomraidhean Croise

Say Libro nen Job 31:5

Ag ak nanggawa na antokaman a kaogsan, tan anggapoy pinalikdok a siopaman.

Saray Salmo 1:1

Maliket so toon ag ontotombuk ed simbawa da ray totoon maoges, ag to aaligey kagagawa da ray totoon makasalanan, tan ag mikakasakey ed saray totoon managbalaw na kamaungan.

Saray Salmo 101:4

Ipolisay ko ray maoges a kanunotan tan ag ko mibiang ed kaogsan.

Saray Salmo 119:115

Arawian yo ak, sikayon totoon maoges. Onuren ko ray ganggan na Dios ko.

Saray Salmo 119:63

Kaaro ak na amin da ray manlilingkur ed sika, amin da ray mangoonur na saray ganggan mo.

Probirbio 12:11

Say makolin dumaralus daakan so kakanen to, balet kinaambagelan so pandarak na panaon ed andi-kakanaan iran pamaakaran.

Probirbio 13:20

Miolup kad saray makabat et magmaliw kan makabat. No mikaarod kad saray makulang-kulang naderal ka.

Probirbio 9:6

Taynan moy olupan da ray totoon anggapoy amta, tan mambilay ka. Mankurang kad dalan na pakaamta.”

Jeremias 15:17

Ag ko inarap so akiliket-liket tan akielek-elekan ed saray totoo. Lapud impangonur kod saray ganggan mo, nambukbukor ak tan napno ak na pasnuk.

1 CORINTO 15:33

Ag kayo patitilaan. “Saray maoges a kaolup deralen day maung a kagagawa.”

2 CORINTO 6:17

Kanyan ibabagay Katawan, “Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.