Saray Salmo 26:2 - Maung A Balita Biblia

² Sokayan tan subok mo ak pa, Katawan; sintinsiaan mo pa ray pilalek ko tan saray kanunotan ko.

Maung a Balita Biblia

² Sokayan tan subok mo ak pa, Katawan; sintinsiaan mo pa ray pilalek ko tan saray kanunotan ko.

Saray Salmo 26:2 Iomraidhean Croise

Say Libro nen Job 13:23

Anto ray kaogsan tan kasalanan ko? Antoy ray ipapakasalanan mod siak.

Saray Salmo 17:3

Sinokayan moy pusok. Dinago mo ak ed labi; sigput mo ak a sinubok, et anggapoy arumog mod siak a maoges a pilalek. Ag ak mansasalitay kaogsan

Saray Salmo 66:10

Sinusubok mo kami, O Dios: no panoy kalilinisay pilak ya imparalan ed apoy, ontan met so impanusubok mod sikami.

Saray Salmo 7:9

Matonung kan Dios tan sisintinsiaan moy kanunotan tan pilalek mi. Patondam pay kaogsan da ray totoon maoges tan tumangan mo pa ray maung a totoo.

Jeremias 20:12

Balet, Katawan a Makapanyarin-amin, maptek so panusubok mod saray totoo; amtam no anto ray walad puso tan kanunotan da. Iyabuloy mo pan nanengneng koy ibawim ed saray kalaban ko, ta impalimak ed sika so kipapasen ko.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”